Hechos
3 Juj kutinmi Pedrowan Juanpiwan temploman wichasharqanku Diosmanta mañakuna horapaq, chay mañakuyqa karqan las tres tardenta jinan,* 2 chay ratun runakuna apasharqanku such’u naceq runata. Paytaqa sapa p’unchaymi templopi Munaycha Punku nisqa qayllapi churaqku, chhaynapi temploman jaykuqkunamanta limosnata mañakunanpaq. 3 Chay runan Pedrota Juantawan temploman jaykushaqta rikuspa limosnata mañakurqan. 4 Jinan Pedroqa Juanpiwan chay runata qhawaykurqanku, Pedrotaq nirqan: “Qhawarimuwayku”, nispa. 5 Jinan chay runaqa paykunata qhawarirqan “imallatapas qowanqakuchá” nispa. 6 Jinan Pedroqa nirqan: “Manan qolqeypas qoriypas kanchu, ichaqa imachus kapuqniytan qosayki. Nazaret llaqtayoq Jesucristoq sutinpin niyki: Sayarispa puririy”,+ nispa. 7 Chayta nispataq paña makinmanta aysarispa sayarichirqan.+ Jinan chay runaq chakinqa kaq ratu allin kapurqan,+ 8 chaymi payqa saltasparaq sayarirqan,+ jinaspa puririrqan, paykunawan kuskataq temploman jaykurqan purispa, salta-saltarispa, Diosta jatunchaspa ima. 9 Llapa runakunan paytaqa rikurqanku purishaqta, Diosta jatunchashaqta ima. 10 Jinan paykunaqa ninakurqanku: “Kayqa templopi Munaycha Punku+ nisqapi limosna mañapakuq runamá riki”, nispa, chaymi anchata admirakuspa mana creeytapas atirqankuchu.
11 Chay runa Pedrota Juantawan jap’ishallaqtinraqmi runakunaqa llapanku ancha admirasqa paykunaman rirqanku Salomonpa Columnankuna*+ nisqapi kashaqtinku. 12 Chayta rikuspan Pedroqa runakunata nirqan: “Israel runakuna, ¿imanaqtinmi ancha admirasqa kashankichis? ¿Imanaqtinmi qhawaykushawankiku atiyniykuwanpas Dios sonqo kayniykuwanpas kay runata puririchiykuman karqan jinataraq? 13 Abrahanpa, Isaacpa, Jacobpa Diosninmi,+ ñaupa taytanchispa Diosninmi serviqnin Jesusta+ jatuncharqan;+ paytan qankunaqa pisicharqankichis jinaspa enemigonkunaman entregarqankichis wañuchinankupaq,+ Pilatoña kacharipuyta munarqan chaypas. 14 Qankunan chay ch’uya, chanin runataqa pisicharqankichis, jinaspa Pilatota valekurqankichis runa wañuchiqta kacharipunasuykichispaq,+ 15 kausayman apaq jatun umallitataq wañuchirqankichis.+ Diosmi ichaqa kausarichimpurqan, chay pasasqanmantaqa noqaykun testigo kayku.+ 16 Paypa sutinraykun, sutinpi iñisqaykurayku iman kay rikusqaykichis reqsisqaykichis runaqa qhaliyapun. Payrayku iñiyniyku kaqtinmi kay ñaupaykichispi qhaliyachisqa runaqa qhaliy-qhali kashan. 17 Wayqeykuna, noqaqa yachanin qankunapas umalliykichiskunapas mana yachaspa chaykuna ruwasqaykichista.+ 18 Chhaynapin Diosqa junt’arqan Cristoq ñak’arinanmanta ñaupaqmantaña llapa profetakunawan willachisqanta.+
19 ”Chhaynaqa juchaykichismanta pesapakuychis+ jinaspa Diosman kutirikuychis+ chhaynapi juchaykichis pichasqa kananpaq,+ chhaynapin kikin Jehová* Dios samakuy tiempota chayachimusunkichis, 20 qankunapaq churasqan Cristotapas kachamusunkichis, payqa Jesusmi. 21 Payqa janaq pachapin kanan tukuy imapas mosoqyachisqa kanan tiempokama, chaytan Diosqa willachirqan ñaupa tiempopi ch’uya profetankunawan. 22 Moisespas nirqanmi: Jehová* Diosniykichismi qankuna ukhumanta noqa jina juj profetata jatarichipusunkichis.+ Qankunaqa paypa tukuy ima nisqasuykichistan uyarikunkichis, kasukunkichismi paytaqa.+ 23 Pipas* chay profetata mana uyariqqa jujpaqkama wañuchisqan kanqa,+ nispa. 24 Cristomantaqa* llapa profetakunan Samuelpa tiemponmantapacha sut’itapuni willarqanku.+ 25 Qankunan profetakunaq wawankunaqa kankichis, allinniykichispaqtaqmi Diosqa ñaupa taytaykichiskunawan rimanakurqan,+ paymi Abrahanta nirqan: Mirayniykiraykun jallp’a pachapi llapa familiakuna bendecisqa kanqa,+ nispa. 26 Diosqa serviqninta jatarichispan qankunamanraq ñaupaqta kachamurqasunkichis allinniykichispaq,+ chhaynapi mana allin ruwayniykichiskunamanta sapankaykichis t’aqakunaykichispaq”, nispa.