Colosenses
3 Cristowan kuskataq kausarichisqa* karqankichis chayqa,+ janaq pachapi kaqkunatayá maskhaychis, chaypin Cristoqa tiyashan Diospa paña ladonpi.+ 2 Janaq pacha kaqkunapi yuyayniykichisqa kachun,+ ama kay pacha kaqkunapichu.+ 3 Qankunaqa wañusqan kashankichis, vidaykichistaq Cristoq makinpi kashan Diospa munayninman jina. 4 Kausay apamuq Cristo+ rijurimuqtinmi qankunapas paywan kuska lliflli kaywan rijurimunkichis.+
5 Chhaynaqa, wañuchiychis aycha cuerpoykichista,+ chhaynapi ama qhelli juchaman* urmanaykichispaq,+ ama millakunapaq kaqkunata ruwanaykichispaq, ama sinchi warminayachikuywan qharinayachikuywanpas vencechikunaykichispaq, ama mana allin ruwaykunapi piensanaykichispaq, ama imatapas sinchita munapayanaykichispaqwan, sinchi munapayayqa kaqllan ídolo adoraywanqa. 6 Chaykuna jawan Diospa phiñakuyninqa chayamunqa. 7 Ñaupaqqa qankunapas chaykunatan ruwaq karqankichis.+ 8 Chaymantapas wijch’upuychis k’araq phiñakuyta, colerayta, millay kayta,+ mana respetowan rimayta,+ qhelli rimaytapas;+ 9 amallataq llullanakuychischu,+ saqepuychis ñaupa kausayniykichistapas,+ amaña chaytaqa ruwaychischu. 10 Aswanpas Diospa qosqan mosoq runa kaywan p’achawan jina churakuychis,+ arí, allin yachaywan imayna runa kasqaykichista mosoqman tukuchiychis Diospa rijch’ayninman jina.+ 11 Mosoq runa kaypiqa igual-llan kanku griego runawan* judío runawanqa, qhari kaynin qaracha kuchusqa runawan mana kuchusqa runawanpas, kamachi runawan libre kaqwanpas, waj llaqtayoqwanpas escita* runakunawanpas; chaypiqa Criston tukuy imapas, lliupitaqmi kashanpas.+
12 Diospa ajllakusqankunataq+ munakusqan ch’uya wawankunataq kankichis chayqa, p’achakuychis sumaq khuyapayakuq kaywan,+ sumaq sonqo kaywan, k’umuykukuq kaywan,+ llamp’u sonqo kaywan,+ pacienciawan ima.+ 13 Qankunapura paciencianakuychis, perdonanakuychis+ razonwanña pipaqpas phiñasqa kashankichis chaypas.+ Imaynan Jehová* Diospas tukuy sonqowan perdonarqasunkichis chhaynallatataq qankunapas ruwaychis.+ 14 Chaymantapas munakuywan p’achakuychis,+ munakuymi lliuta allintapuni jujllaman tukuchin.+
15 Qankunaqa thaj kaypi kanaykichispaq juj cuerpolla kanaykichispaq iman wajasqa karqankichis, chayrayku Cristoq thaj kaynin sonqoykichispi kamachikuchun.+ Chaymantapas agradecekuq kaychis. 16 Cristoq yachachikuynin tukuy yachaywan qankunapi llimp’arichun. Qankunapura yachachinakuychis kallpachanakuychis salmo takikunata takispa,+ Diosta alabaspa, agradecekuywan adorana takikunata takispa ima. Sonqoykichispi Jehová* Diosman takiychis.+ 17 Imataña rimankichis ruwankichis chaypas, lliuta ruwaychis Señor Jesuspa sutinpi, paywan Taytanchis Diosman graciasta qospa.+
18 Esposakuna, qosaykichista kasukuychis,+ chhaynatapunin ruwananku Señorpa discipulonkunaqa. 19 Qankunapas, qosakuna, esposaykichista munakuychis,+ amataq paykunawanqa phiñakuychischu.+ 20 Qankunapas, wawakuna, tayta-mamaykichista tukuy imapi kasukuychis,+ chaymi Señortaqa anchata kusichin. 21 Taytakuna, ama wawaykichista colerachiychischu,+ chhaynapi mana umphuyanankupaq. 22 Kamachikuna, patronniykichista tukuy imapi kasukuychis,+ ama ñaupallankupichu, runata kusichinallapaqpas imatapas ruwashawaqchis jinaqa, aswanpas tukuy sonqowan, Jehová* Diosta manchakuspa. 23 Imataña ruwashankichis chaypas, tukuy almawan* ruwaychis Jehová* Diospaq jina,+ ama runakunapaq jinachu. 24 Yachasqaykichis jina, Jehová* Diosmi premioykichis herenciataqa qosunkichis.+ Patronniykichis Cristota kamachi jina serviychis. 25 Pipas mana allin ruwaqmanqa mana allinllawantaqmi pagasqa kanqa;+ Diosqa manan pimanpas sayapakunchu.+