Jonás

3 Jujmantan Jehová Diosqa Jonasta nillarqantaq:+ 2 “Phaway, jatun Nínive llaqtata riy,+ nisqayta paykunaman willamuy”, nispa.

3 Jinan Jonasqa Jehová Diosta kasukuspa+ Nínive llaqtata rirqan.+ Chay llaqtaqa jatunmi karqan,* llaqtantinqa kinsa p’unchay purinan karqan. 4 Jonastaq llaqta ukhuman jaykuspa juj p’unchay ch’isiyaqta purirqan: “Tawa chunka p’unchayllamantan Nínive llaqta thunisqa kanqa”, nispa.

5 Chay willakuyta uyarispan Nínive llaqta runakunaqa Diospi iñirqanku,+ jinan jatunpas juch’uypas ayunarqanku, qhasqa p’achakunawan* ima churakurqanku. 6 Chay willakuyta uyarispan Nínive llaqta reypas trononmanta sayarispa p’achanta ch’utikurqan, jinaspa qhasqa p’achawan churakurqan, uspha patapitaq tiyaykurqan. 7 Llapa Nínive llaqta runakunapaqtaq juj kamachikuyta orqomurqan, chaypin nirqan:

“Noqa reyniykichismi kamachikuqniykunapiwan niykichis: Manan pi runapas ni ima animalpas ni wakapas ni ovejapas imallatapas mijunanchu, manan unullatapas ujananchu, manapunin imallatapas malliykunqachu. 8 Runakunapas llapanku qhasqa p’achawan churakuchunku, animalkunamanpas churachunku; Diosmantataq tukuy sonqowan mañakuchunku. Amaña ima mana allinkunatapas ruwachunkuchu ni maqanakuypipas purichunkuchu. 9 Chayta ruwasun chayqa yaqapaschá cheqaq Diospa sonqonqa tiyaykunqa, manañataq imachus piensasqantapas ruwanqañachu nitaq wañuchiwasunpaschu”, nispa.

10 Diosqa rikurqanmi chay runakunaq imachus ruwasqankuta, mana allin ruwaykunata saqepusqankutapas,+ chaymi imachus piensasqanta manaña ruwarqanñachu.+