Salmos
Davidpa takin.
26 Diosníy Jehová, juzgaway, noqaqa mana juchachanatan kausarqani.+
Diosnilláy Jehová Dios, noqaqa qanllapin mana iskayaspa confiarqani.+
2 Jehová Diosníy, allinta t’aqwiriway,
allinta qhaway imaynachus kashani chayta,
ch’uyanchay* sonqoyta, sonqoy ukhupi imachus piensasqaytapas.+
3 Mana tukukuq munakuyniykiqa sonqollaypipunin kashanqa,
noqaqa chanin ñannillaykipin purishani.+
5 Cheqnikunin juchasapa runakunawan juñukuytaqa,+
6 Makiytan maqchikusaq, mana juchayoq kasqaytan rikuchisaq,
chaymantataq Jehová Diosníy, qanta yupaychaspa altarniykita muyusaq.
7 Qanman gracias qosqaytan uyarichikusaq,+
musphanapaq ruwasqaykikunamantan willasaq.
10 Paykunaq makinkuqa p’enqakunapaq ruwaykunatan ruwashan,
paña makinkupas lluk’iykuywanmi junt’a kashan.
11 Noqan ichaqa chaninllatapuni kausasaq.
Diosnilláy, khuyapayaykuway, libraway.
12 Chakiykunaqa pampapin allinta sayashan.+
Askha runakuna ukhupin Jehová Diosta jatunchasaq.+