1 Samuel
13 Saultaqa [?]* watanpi kashaqtinmi rey kananpaq churarqanku,+ payqa iskay watan Israel llaqtapi rey karqan. 2 Saulqa kinsa waranqa runakunatan Israelmanta ajllarqan. Paykunamanta iskay waranqan Saulwan kuska kasharqanku Micmash ladopi, jinallataq Betel llaqtapi kaq orqo-orqopiwan. Waranqa runakunataq Jonatanwan+ kuska kasharqanku Benjamín ayllupi kaq Guibeá+ llaqtapi. Wakin runakunatan ichaqa wasinkuman* kachapurqan. 3 Jonatanmi Gueba+ llaqtapi kashaq Filistea+ soldadokunata atiparqan, chaytan wakin Filistea runakunaqa yacharurqanku. Saulmi nirqan: “Llapan hebreo runakuna chayta yachachunku”, nispa. Chaymi kamachirqan lliu Israel llaqtantinpi oveja waqrata tocanankupaq.+ 4 Llapa Israel runakunan uyarirqanku “Saulmi atiparun juj t’aqa Filistea runakunata, chayraykun Filistea runakunaqa Israel runakunata cheqnikapunku” nisqa willakuyta. Jinan llapa llaqtantin runakunata wajachirqanku Guilgal+ llaqtapi Saulpa ladonman juñukunankupaq.
5 Filistea runakunapas askhan juñukurqanku Israel runakunawan maqanakunankupaq. Paykunaq carretankun karqan kinsa chunka waranqa, caballopi soldadokunataq karqan soqta waranqa, chakillapi puriq soldadokunataq karqan sinchi askhallaña lamar-qocha patapi aqo jinaraq.+ Paykunan seqamuspanku Bej-Aven+ llaqtaq inti lloqsimuy ladonpi karpakurqanku, Micmash ladopi. 6 Chayta rikuspan Israel runakunaqa mana imanakuytapas atirqankuchu, jinan pakakurqanku qaqa ukhukunapi,+ t’oqokunapi, qaqa-qaqakunapi, pampa t’oqokunapi, unupaq ruwasqa t’oqokunapi ima. 7 Wakin hebreo runakunaqa Jordán mayuta chimpaspan Gad aylluman Galaad+ ladokunaman ima ayqekurqanku. Saulmi ichaqa Guilgal llaqtallapi qhepakurqan, paywan qhepakuqkunaqa manchakuymantan khatatatasharqankuraq.* 8 Saulqa Samuelwan rimanakusqanman jinan qanchis p’unchayña Guilgal llaqtapi suyasharqan, Samuelmi ichaqa mana chayamurqanchu. Chaymi Saulpa runankunaqa ladonmanta pisi-pisimanta ripusharqanku. 9 Jinan Saulqa nirqan: “Apamullaychisña animalkunata ruphachina sacrificiopaq, sumaq kausay sacrificiopaqwan”, nispa. Apamuqtinkutaq pay kikin ruphachina sacrificiota jaywarqan.+
10 Saúl ruphachina sacrificiota jaywayta tukuruqtintaq Samuelqa rijurimurqan. Jinan Saulqa Samuelta napaykuq* ayparqan. 11 Samueltaq ichaqa nirqan: “¿Imatan kayta ruwarunki?”, nispa. Saultaq nirqan: “Runaykunan pisi-pisimanta saqepushawarqanku,+ Filistea runakunapas askhañan Micmash+ ladopi juñukusharqanku, chaymi rimanakusqanchisman jina mana rijurimuqtiyki 12 piensaykurqani: Filistea runakunaqa jaykumuspachá phawaykamuwanqaku, manaraqmá riki Jehová Diospa yanapaynintaqa mañakuniraqchu, nispay. Chayraykun mana imanakuyta atispa noqallaña jaywarqani ruphachina sacrificiota”, nispa.
13 Samueltaq Saulta nirqan: “Chay ruwasqaykiqa manapunin allinchu. ¿Imaraykun mana Jehová Diosta kasukurqankichu?+ Kasukuwaqchus karqan chayqa, wiñaypaqmi Jehová Diosqa qantapas familiaykitapas Israelpi rey kanaykichispaq churasunkichisman karqan. 14 Kunanmi ichaqa Jehová Diosta mana kasukusqaykirayku+ mana unaypaqchu kamachikuyniyki kanqa.+ Jehová Diosqa sonqonpaq jina runatan ajllakunqa,+ paytan Jehová Diosqa llaqtanta umallinanpaq churanqa”,+ nispa.
15 Chaymantataq Samuelqa Guilgal llaqtamanta Benjamín ayllupi kaq Guibeá llaqtaman wicharqan. Saultaq paywan qhepakuq runakunata yuparqan, llapanpiqa yaqa soqta pachajmi karqanku.+ 16 Saulwan, churin Jonatanwan, paykunawan kashaq runakunapiwanqa Benjamín ayllupi kaq Gueba+ llaqtapin qhepakurqanku. Filistea runakunataq Micmash+ ladopi karpakusharqanku. 17 Filistea runakunaq karpakusqankumantan kinsa t’aqa soldadokuna lloqsimurqanku. Juj t’aqan rirqan Ofrá llaqtaman riq ñanninta, Sual jallp’a ladoman. 18 Juj t’aqataq rirqan Bej-Orón+ llaqtaman riq ñanninta. Kinsa kaq t’aqataq rirqan ch’inñeq ladoman, maymantachus Zeboín wayq’o rikukun chayman riq ñanninta.
19 Israel llaqtapiqa manan jujllapas herrero karqanchu. Filistea runakunan nisqaku: “Amapuni dejasunchu hebreo runakuna juj espadatapas ni juj lanzatapas ruwakunankutaqa”, nispa. 20 Chaymi Israel runakunaqa Filistea runakunaq llaqtanta jaykuqku, yapuna* rejankuta, piconkuta, hachankuta, ichhunankuta* filochachiq. 21 Paykunaqa yaqa pusaq gramo qolqetan* pagaqku, yapuna rejankuta, piconkuta, kinsa p’alqayoq herramientankuta, hachankuta filochachisqankumanta, jinallataq waka t’urpuna allichachisqankumantapas. 22 Israel runakunaqqa manan espadankupas ni lanzankupas karqanchu.+ Saulwan churin Jonatanllawanmi espadayoqpas lanzayoqpas karqanku.
23 Juj t’aqa Filistea runakunaqa Micmash+ q’asatan rirqanku.