Ezequiel

2 Chay rimamuqmi nimuwarqan: “Runaq churin,* sayariy qanwan rimanaypaq”,+ nispa. 2 Pay rimapayamuwaqtinmi Diospa espiritun junt’aykuwarqan, jinaspan sayarichiwarqan,+ chaymi rimapayawasqanta uyarirqani.

3 Paymi niwarqan: “Runaq churin, Israel llaqtamanmi,+ mana kasukuspa noqa contra jatariq nacionkunamanmi kachasayki.+ Paykunaqa ñaupa taytankumantapachan kunankama mana kamachikuyniykunata kasukunkuchu.+ 4 Mana respetoyoq k’ullu sonqo runakunamanmi kachasayki.+ Paykunata nimuy: Tukuy munayniyoq Señor Jehová Diosmi khaynata nin, nispa. 5 Chay k’ullu runakunaqa+ uyarikuchunkupas amapas, ichaqa yachanqakun paykuna ukhupi juj profeta kasqanta.+

6 ”Qanqa, runaq churin, amapunin paykunataqa manchakunkichu,+ aman ima nisqankutapas manchakunkichu. Kisakuna ukhupiña, kiskakuna ukhupiña tarikuspapas,*+ alacrán kurukuna chaupipiña tiyaspapas aman manchakunkichu. Aman ima rimasqankutapas+ ni uyankutapas manchakunkichu.+ Paykunaqa mana kasukuq k’ullu runakunan kanku. 7 Uyarikunqakuña manaña chaypas, rimasqaytan paykunaman willamunki. Paykunaqa mana kasukuq k’ullu runakunan kanku.+

8 ”Qan, runaq churin, uyariy imachus nisqayta. Aman paykuna jina mana kasukuqqa kankichu. Simiykita kichariy, mijuy kay qosqayta”,+ nispa.

9 Qhawarikuqtiymi juj maki jaywarikamushasqa,+ chay makin jap’ishasqa juj qelqa k’uyuta.+ 10 Ñaupaypin payqa chay qelqa k’uyuta kicharirqan, chay k’uyuqa ñaupanpipas qhepanpipas qelqasqan kashasqa.+ Chaypin qelqasqa kasqa sinchi llaki takikuna, sonqo nanay simikuna, may khuyay rimaykuna.+