Salmos
Takiqkunata pusariqpaq. Davidpa takin.
68 Dios sayarichun, enemigonkuna ch’eqerichisqa kachun,
payta cheqnikuqkuna ñaupanmanta ayqechunku.+
2 Imaynan wayraqa q’osñita apapun,
chhaynata paykunata karunchay;
imaynan wiraqa ninawan unuyapun,
chhaynata millay runakunapas Diospa ñaupanmanta ch’usaqyachisqa kachunku.+
3 Chanin runakuna ichaqa kusikuchunku,+
Diospa ñaupanpi may kusisqa kachunku,
kusikuymanta uyankuraq k’ancharichun.
4 Diospaq takiychis, sutinpaq takikunata takiychis.*+
Ch’in pampakunapi* caballopi phawaqman takiychis.
¡Paypa sutinmi Jehová!*+ ¡Paypa ñaupanpi kusikuychis!
6 Sapanku kaqkunamanmi Diosqa maypichus tiyanankuta qon,+
presokunatan kacharichin, jinaspa allin kausayta qon.+
Mana kasukuq k’ullukunan ichaqa ch’aki jallp’akunapi tiyanqaku.+
7 Diosníy, llaqtaykita pusashaqtiykin,+
ch’in pampanta pasachishaqtiykin, (Séla)
8 jallp’aqa chhafchirikurqan.+
Diosraykun cielomanta para t’akarikamurqan,
Diosraykun Sinaí orqopas khatatatarqan.*
Israelpa Diosninraykun chaykunaqa pasarqan.+
9 Diosníy, askhatan parachimurqanki,
sayk’usqa llaqtaykitan jujmanta kallpacharqanki.
10 Diosníy, karpaykipin paykunaqa tiyarqanku,+
sumaq sonqo kayniykipin wajchaman imachus faltasqanta qorqanki.
11 Jehová Diosmantan kamachikuyqa jamun.
Allin willakuykunata willaq warmikunaqa askhan kanku,
jatun ejército jinan askhapuni kanku.+
12 Reykunapas soldadonkunapas ayqekapunkun,+ llapankun phawaripunku.
Wasipi qhepakuqmi imachus qechusqamanta wakintaqa chaskikun.+
13 Qankunaqa karpa-karpapiña* kasharqankichis chaypas,
ninapi q’oñikuspaña kumparayasharqankichis chaypas,
qolqewan p’istusqa rafrayoq palomatan chaskinkichis,
ch’uya qori phuruyuq urpitan chaskinkichis.
14 Tukuy atiyniyoq Diosmi kay pacha reykunata ch’eqerichirqan,+
paykunata ch’eqerichishaqtinmi Zalmón orqopi rit’irqan.
15 Basán orqoqa+ Diospa orqonmi,
Basán orqoqa askha puntakunayoqmi.
16 Yau orqokuna, askha puntakunayoq orqokuna,
¿imaraykun Diospa ajllakusqan orqota envidiakunkichis?
¿Imaraykun tiyananpaq ajllakusqan orqota millayta qhawaykunkichis?+
Jehová Diosqa chay orqopin wiñaypaq tiyanqa.+
17 Diospa maqanakunan carretankunaqa waranqa-waranqanpin kashan,+
Jehová Diosqa Sinaí orqomantapachan ch’uya parteman jamun.+
Runakunatan regalokunata jina jap’irqanki,+
19 Jatunchasqa kachun Jehová Diosqa,
paymi sapa p’unchay q’epinchiskunata apapuwanchis.+
Paymi libraqninchis Diosqa, paymi cheqaq Diosqa. (Séla).
20 Diosninchisqa salvaq Diosmi, libraq Diosmi.+
Tukuy munayniyoq Señor Jehová Diosqa wañuymanta libraq Diosmi.+
21 Diosqa enemigonkunaq umantan ñut’unqa,
juchallapi puriy munaqkunaq umantan ñut’unqa.+
22 Jehová Diosmi nin: “Basanmantan paykunata kutichimusaq,+
lamar-qochaq sonqonmantan pusampusaq.
23 Jinan qanqa enemigoykikunaq yawarninman chakiykita chapunki,+
alqoykikunaq qallunpas mallinqan paykunaq yawarnintaqa”, nispa.
24 Diosníy, paykunaqa rikushankun atipasqaykirayku llaqtayki kusisqa kutimusqanta,
Diosníy, reyníy, rikushankun atipasqaykiwan ch’uya wasiykiman kusisqa jaykusqankuta.+
25 Takiqkunan ñaupaqta rishanku,
tocaqkunataq qhepata rishanku,
cuerdayoq tocanakunata tocaspan rishanku.+
Chaupitataq sipaskuna tamborta tocaspa rishanku.+
26 Juñunasqa runakuna ukhupi Diosta jatunchaychis,
Israelta paqarichiqrayku kausaqkuna, Jehová Diosta alabaychis.+
27 Jaqaypin kashan Benjamín,+
payqa waynallaraqmi, allintan jujkunata kamachishan.
Judá umallikunapas qaparishaq runakuna ukhupin kashanku,
chaypin kashanku Zabulón umallikunapas Neftalí umallikunapas.
28 Diosniykin kamachikun kallpata chaskinaykipaq.
Diosnillayku, noqaykurayku sayariq, kallpaykita rikuchiy.+
30 Carrizo-carrizopi* tiyaq animalkunata anyay,
tropantin puriq torokunata+ uñankunatawan anyay,
paykuna qanman k’umuykunankukama,
qolqeta qanman apamunankukama anyay.
Maqanakuywan kusikuq llaqtakunataqa ch’eqerichinkin.
31 Egiptomantan bronce regalokunata apamunqaku,+
Cus runakunan usqhaylla Diosman imaymana regalokunata qonqaku.
32 Kay pachapi gobiernokuna Diosman takiychis,+
Jehová Diosman jatunchay takikunata takiychis.* (Séla).
33 Unay tiempomantapacha cieloq altonta puriqman takiychis.+
Qhawariychis, paypa kunkanqa may atiyniyoqmi, rayo t’ojay jinan.
34 Yachaychis Diosqa may atiyniyoq kasqanta.+
Kamachikuyninqa Israelpin kashan,
atiynintaq janaq pachapi* kashan.
35 Ch’uya tiyananpin Diosqa may jatunpuni qhawarikun.+
Paymi Israelpa Diosninqa,
paymi llaqtanman kallpata qon.+
Jatunchasqa kachun Diosqa.