Hebreos
2 Chaymi noqanchisqa tukuy yuyayninchista churananchis imakunatachus uyarirqanchis chaykunaman,+ chhaynapi ama jayk’aqpas allin ñanmanta pantanapaq.+ 2 Angelkunawan willachisqa simiqa+ cheqaqmi karqan, llapa juchallikuqpas llapa mana kasukuqpas chanin kaqman jinan castigasqa karqan.+ 3 Sichus noqanchispas chhayna jatun salvacionmanta willakuyman mana cuentatapas churasunchu chayqa, manan ayqekusunchu castigomantaqa.+ Salvasqa kanamanta willakuytaqa Señorninchismi ñaupaqtaqa willarqan,+ chay willasqanta uyariqkunataq noqaykuman willawarqanku. 4 Diospas llank’asharqanmi chay willakuypiqa imaymana señalkunata ruwaspa, admirakunapaq kaqkunata ruwaspa, imaymana milagrokunata* ruwaspa,+ santo espirituta* munayninman jina rakispa ima.+
5 Payqa manan angelkunatachu churarqan jamuq pachata kamachinanpaqqa,+ chay jamuq pachamantan noqaykuqa rimashaykupas. 6 Juj kutinmi juj testigo nirqan: “¿Imataq runari payta yuyarinaykipaq? ¿Iman runaq churin payta qhawarinaykipaq?+ 7 Angelkunamanta juj chhikan menostan ruwasqanki, ichaqa qhapaqchayta jatunchayta iman paykunaman qosqanki, makiykiq llapa ima ruwasqanmanta encargakunanpaqtaqmi churasqankipas. 8 Llapa chaykunata kamachinanpaqmi paykunaman jap’ichirqanki”,+ nispa. Arí, tukuy imaymanatan Diosqa paypa chaki sarunanman churarqan,+ manan imapas qheparqanchu,+ chaywanpas manaraqmi payqa tukuy imaymanatachu kamachishan.+ 9 Ichaqa angelkunamanta juj chhikan pisi atiyniyoqman tukuchisqaña karqan chaypas,+ qhapaq kaywan jatunchaywan iman Jesusqa coronawan jina churasqa kashan, chaytan payqa chaskirqan ñak’arispa wañusqanrayku.+ Diospa ancha sumaq sonqo kayninpin payqa llapa runakunarayku wañurqan.+
10 Tukuy imapas Diospa kamasqanmi, payta jatunchanapaqtaqmi kanpas. Payqa allinpaqmi rikurqan umalli kaq ñak’arinanta,+ chhaynapi askha wawankuna jatunchasqa kananpaq.+ Chhaynapin chay jatun umalli kaqqa preparasqa karqan Diospa chay wawankunata salvacionman apananpaq.+ 11 Jesuspas paypa ch’uyanchasqan runakunapas+ juj taytallayoqmi kanku,+ chaymi payqa mana p’enqakunchu “wayqeykuna” niyta.+ 12 Paymi nin: “Sutiykitan wayqeykunaman willasaq, runakuna ukhupin takikunawan jatunchasayki”,+ nispa. 13 Wajmantan nillantaq: “Paypin confiasaq”,+ nispa. Chaymantapas nillantaqmi: “¡Qhawariychis! Kaypin kashayku noqapas Jehová* Diospa qowasqan wawakunapas”,+ nispa.
14 Chhaynaqa, chay wawakuna aychayoq yawarniyoq kasqankuraykun paypas aychayoq yawarniyoq karqan,+ chhaynapi wañusqanwan wañuchinanpaq atiyniyoq Saqrata+ ch’usaqyachinanpaq,+ 15 wañuyta manchakuqkunatapas llapankuta librananpaqwan, tukuy tiempon paykunaqa chay manchakuyman esclavo jina watasqa kasharqanku.+ 16 Payqa manan angelkunatachu yanapashan, aswanpas Abrahanpa wawankunatan.+ 17 Chaymantapas payqa tukuy imapin “wayqenkuna” jina kanan karqan,+ chhaynapi uma sacerdote kaspaqa Diospaq ruwaykunapi khuyapayakuq junt’aq ima kananpaq, runakunaq juchanrayku+ allipunachiy sacrificiota ruwananpaqwan.+ 18 Pay kikintaq pruebaman churasqa kaspa ñak’arirqan chayqa,+ payqa preparasqan kashan pruebaman churasqa kaqkunata yanapananpaq.+