Ezequiel
27 Jujmantan Jehová Diosqa rimapayamuwarqan, paymi niwarqan: 2 “Runaq churin, Tiro llaqtapaq juj llaki takita takipuy.+ 3 Payta niy:
Lamar-qocha punkupi tiyaq Tiro llaqta,
askha islakunawan negocio ruwaq llaqta,
tukuy munayniyoq Señor Jehová Diosmi qanmanta nin:
Yau Tiro, qanmi nishanki: Noqaqa ancha munay llaqtan kani,+ nispa.
4 Jallp’aykikunaqa lamar-qocha sonqopin kashan,
ruwaqniykikunan ancha munayman tukuchirqasunkiku.
5 Tablaykikunaqa Senir ladopi enebro sach’amanta ruwasqan karqan,+
chaupiykipi sayaq k’aspipas Líbano wichaypi cedro sach’amantan karqan.
6 Unu qachina k’aspiykikunapas Basán ladopi roble sach’amantan karqan,
ñaupa ladoykipas Kitin islapi marfilwan churasqa ciprés sach’akunamantan karqan.+
7 Wayraq apanan telaykikunapas Egiptomanta apamusqa color-color linomanta ruwasqan karqan,
qatana tolderaykikunapas azul q’aytuwan ruwasqan karqan,
Elisá ladopi islakunamanta azulniraq puka q’aytumanta awasqan karqan.+
8 Unu qachiqniykikunaqa Sidón runakuna Arvaj runakuna iman karqanku.+
Yau Tiro, runaykikunaqa kusatan barcokunapi llank’aqku.+
9 Guebalmanta kuraq runakunan+ allin yachayniyoq runakunapiwan t’oqoykikunata llut’aqku.+
Llapa barcokunan qanman jamuqku negociota ruwanankupaq.
10 Allin maqanakuq soldadoykikunaqa Persia runakuna, Lud runakuna, Puj runakuna+ iman karqanku.
Paykunan jark’apakuna escudonkuta casconkuta ima qanman warkuykuqku,
chaywantaq qanqa may jatunpaq qhawarikuq kanki.
11 Arvaj ladomanta soldadoykikunan perqaykikunapi puriykachaqku,
mana manchakuq kallpasapa runakunan torreykikunapi sayaqku.
Paykunan muyu jark’apakuna escudokunata perqaykikunapi warkuqku,
chaykunan aswan munaytaraq qhawarichiq kasunki.
12 ”Askha imaymanayoq kasqaykiraykun+ Tarsis llaqta+ qanwan negociota ruwaq. Paykunan apamuqku qolqeta, fierrota, estañota, plomota* ima, chaywanmi imaymanaykita cambiaq kanki.+ 13 Qanwan negociota ruwaqmi jamuqku Javanmanta, Tubalmanta,+ Mesecmanta+ ima. Paykunan apamuqku kamachikunata,+ cobremanta imaymanakunatapas, chaykunawanmi imaymanaykita cambiaq kanki. 14 Togarmapa+ miraynin runakunapas caballokunata mulakunata iman apamuqku, chaykunatan imaymanaykiwan cambiaq kanki. 15 Dedán runakunapas+ qanwanmi negociota ruwaqku. Islakunapin qhatuqkunata churaq kanki; paykunataq marfil waqrakunata+ ébano sach’a k’aspikunatawan impuestota jina pagapuq kasunkiku. 16 Askha imaymanayoq kasqaykiraykun Edompas qanwan negociokunata ruwaq. Paykunan apamuqku turquesa rumikunata, azulniraq puka q’aytukunata, color-color bordasqa telakunata, munay telakunata, coralkunata,* rubí rumikunata ima, chaykunawanmi imaymanaykita cambiaq kanki.
17 ”Judapas Israelpas qanwanmi negociota ruwaq, paykunan apamuqku Minij ladomanta trigota,+ allin mijuykunata, mielta,+ aceiteta, bálsamo aceiteta+ ima, chaykunatan kaqniykikunawan cambiaq kanki.+
18 ”Imaymanayki kasqanraykun, qhapaq kasqaykiraykun Damascopas+ qanwan negociota ruwaq. Paykunan apamuqku Elbón ladomanta vinota, Sajar ladomanta q’aytuta,* chaykunawanmi imaymanaykita cambiaq kanki. 19 Uzal ladomanta Vedán runakunapas Javán runakunapas fierrota, casia sach’ata,* sumaq q’apaq plantakunata iman apamuqku, chaykunatan imaymanaykiwan cambiaq kanki. 20 Dedanpas+ sillakunapaq sumaq karunakunatan* apamuq, chaykunatan kaqniykikunawan cambiaqku. 21 Arabia runakunawan Quedarmanta llapa umallikunawan+ iman rimanakurqanki negociota ruwanaykipaq, paykunaqa ovejakunata cabrakunata vendeqkunan kaqku.+ 22 Sabapas Ramapas qanwanmi negociota ruwaqku,+ paykunan apamuqku imaymana sumaq q’apaq perfumekunata, ancha valorniyoq rumikunata, qorita ima,+ chaykunatan imaymanaykiwan cambiaq kanki. 23 Haranpas,+ Canepas, Edenpas,+ Sabamanta negociota ruwaqkunapas,+ Asurpas,+ Kilmajpas qanwanmi negociota ruwaqku. 24 Mercado plazaykipin paykunaqa vendeqku munay p’achakunata, color-color bordasqa azul capakunata, color-color alfombrakunata ima; llapantan allin watasqata vendeqku.
25 Tarsis barcokunan*+ llapa negocio ruwanayki cosaskunata apaq,
lamar-qochantan allin q’epiykusqa puriq kanki.
26 Barcoyki purichiqkunan unuq waqtasqan manchakuy ladoman aparqasunkiku,
chhaynapin inti lloqsimuy ladomanta wayra lamar-qochaq sonqonpi ñut’urqasunki.
27 Qhapaq kayniykikuna, imaymana kaqniykikuna, qhatunaykikuna, barcopi llank’aqkuna iman unuman chinkaykunqaku,
t’oqoyki llut’aqkuna, qanwan negocio ruwaqkuna,+ soldadoykikuna iman chinkaykunqaku,+
llapa qanpi tiyaqkunan chinkachisqa kanayki p’unchaypi lamar-qocha ukhuman chinkaykunqaku.+
28 Barcopi llank’aqkunaq qaparisqanqa lamar-qocha patapi llaqtakunataraqmi chhafchirinqa.
29 Barcokunata llapa purichiqkunan, barcokunapi llank’aqkunan barconkuta saqepunqaku,
barcokunata saqespan lamar-qocha jawallapi qhepakunqaku.
30 May llakisqan qanmanta waqanqaku,+
jallp’atan umankuman jach’ikunqaku, usphapin qhospanqaku.
31 Umankutan k’isukunqaku, qhasqa p’achawanmi churakunqaku,
sonqo nanaytan qanmanta waqanqaku, khuyaytan qaparinqaku.
32 Paykunan may llakisqa juj llaki takita takipusunkiku, kuti-kutirispan ninqaku:
¿Kanmanchu ima llaqtapas Tiro jina?
Payqa lamar-qocha ukhupin ñut’usqa kapun.+
33 Lamar-qochamantan imaymana kaqniykikuna chayamuq,
askha llaqtakunatan chaykunawan kusichiq kanki.+
Ancha valorniyoq kaqniykikunan reykunata qhapaqyachiq,
imaymana kaqniykikunan paykunata allinyachiq.+
34 Kunantaq lamar-qochaq chaupinpi chinkasqa kashanki,
may chinkay-chinkay unu ukhupin kashanki;+
llapa imaymana kaqniykikunan unuman chinkaykun,
runaykikunatapas qanwan kuskatan unu millp’upun.+
35 Islakunapi llapa tiyaqkunan admirasqa qhawasunkiku,+
reyninkunan mancharikuymanta khatatatanqaku,*
manchakusqankuqa uyankupin rikukunqa.+
36 Nacionkunapi qhatuqkunan imayna tarikusqaykita rikuspa mancharikunqaku.
Manchakuytan qonqaylla tukuchisqa kanki,
wiñaypaqmi ch’usaqman tukuchisqa kanki,+ nispa.”