Miqueas
2 “¡Ay imaraqmi kanqa mana allinta ruwanankupaq piensaqkunamanta!
¡Imaraqmi kanqa mana allinta ruwanankupaq puñunankupi yuyaykuqkunamanta!
Paykunaqa pacha illarimuytan imachus piensasqankuta ruwanku,
makinkupin ruway munasqankuqa kashan.+
2 Campokunatan munapayanku, chaykunatataq dueñochakapunku,+
wasikunatan munapayanku, chaytataq jap’ikapunku.
Engañowanmi juj runaq wasinta qechunku,+
engañowanmi juj runaq herencianta jap’ikapunku.
3 Jehová Diosmi nin:
Qhawariychis, qankunata ñak’arichinaypaqmi yuyaykushani,+
manan chay ñak’ariymantaqa ayqeyta atinkichischu.+
4 Chay tiempopin runakunaqa qankunamanta rimanqaku,
may llakisqan qankunamanta rimanqaku.+
Ninqakun: ¡Khayna mana allinpin rikukunchis!+
Paymi llaqtanchisman imachus tupaqta jujman qopun. ¡Paymi qechupuwarqanchis!+
Mana payta yupaychaqkunamanmi jallp’anchiskunata rakipun, nispa.
5 Chhaynaqa manan pipas jallp’ata mediq kanqachu,
manan pipas Jehová Diospa llaqtanpi jallp’ata rakiq kanqachu.
6 ¡Ama imatapas willaychischu!
Kaykunataqa ama pimanpas willasunchu.
¡Manan pisichasqachu kasun!, nispan paykunaqa ninku.
7 Jacobpa miraynin runakuna, qankunan nishankichis:
¿Manachu Jehová Diospa espiritun* pacienciakun?
¿Ruwanqapunichu chaykunata?, nispa.
¿Manachu noqaqa allin kausaqkunapaq allinkunata prometerqani?
8 Kunanqa llaqtaymi enemigo jina jataripun.
Qankunaqa runakunaq p’achanmantan alajankunata qechunkichis,
guerramanta kutimpushaq jina thaj puriq runakunatan ch’utinkichis.
9 Llaqtay warmikunatan munay wasinkumanta qarqonkichis,
wawankumantan qechunkichis sumaq bendicionkuna qosqayta.
10 Sayariychis, ripuychis kaymanta, kayqa manan samana jallp’achu.
Qhelli kausay jawan+ thuniy kashan, sinchi llakikuy ñut’uymi kashan.+
11 Mayqen runapas wayraq qhepanta purin, engañoq qhepanta purin, llullakuspataq nin:
Vinomanta alcoholmantawan rimapayasayki, nispa chayqa,
chay runan kusa kanman kay llaqtata rimapayananpaq.+
12 Jacob, qankunataqa juñusaykichispunin,
Arí, Israelpi qhepaqkunataqa juñusaqpunin.+
Kanchapi ovejakunata jinan jujllaman juñusaq,
pasto pampapi ovejakunata jinan juñusaq,+
chaypin runakunaq ch’aqwasqan uyarikunqa,+ nispa.
13 Perqata q’asaqmi paykunaq ñaupanta rinqa,
astawanmi q’asanqaku, punkuntan lloqsinqaku.+
Reyninkun paykunaq ñaupanta rinqa,
Jehová Diosmi paykunata umallinqa”.+