Salmos

Wichanapaq taki.*

120 Sinchi llakipi kashaspan Jehová Diosta wajakurqani,+

jinan payqa uyarimuwarqan.+

2 Diosníy Jehová, llullakuq simimanta karunchaway,

engañaylla engañaq qallumanta libraway.

3 Yau engañaq qallu, ¿yachankichu imatachus Dios ruwanasuykita?+

¿Yachankichu imaynatachus castiganasuykita?

4 Maqanakuqpa filochasqa flechanwanmi,+

retama sach’a sansawanmi castigasunki.+

5 ¡Imaraqchá noqamantaqa kanqa!

Mesec runakuna ukhupin forastero jina tiyarqani.+

Quedarpa karpankuna ukhupin tiyarqani.+

6 Thaj kayta cheqnikuqkunawanmi kashani,+

unayñan paykuna ukhupi tiyashani.

7 Noqaqa thaj kausay kanantan munashani,

rimariqtiymi ichaqa guerra kananta paykunaqa munanku.