2 Crónicas
5 Chhaynapin Salomonqa Jehová Diospa wasinpaq tukuy imaymana ruwananta tukurqan.+ Chaymantataq papan Davidpa ch’uyanchasqan+ qorita, qolqeta, juj cosaskunatawan Diospa wasinman apaykurqan, jinaspataq chaykunata waqaycharqan valorniyoq cosaskunata waqaychana cuartopi.+ 2 Chay tiempopin Salomonqa Israelmanta llapa umalliqkunata* Jerusalenman wajachirqan, llapa ayllukunamanta umallikunata familiakunapi umallikunatawan. Paykunan jamurqanku Jehová Diospa rimanakuynin arcata Davidpa Llaqtan+ nisqa Sionmanta apamunankupaq.+ 3 Llapa Israel runakunan rey Salomonpa kasqanman fiesta* p’unchaykunapi jamurqanku. Chay fiestataqa ruwarqanku qanchis kaq killapin.+
4 Israelmanta llapa umalliqkuna jamuqtinkutaq Leví runakunaqa Diospa rimanakuynin arcata oqarispa aparqanku.+ 5 Sacerdotekunaqa Leví runakunawan* kuskan aparqanku Diospa rimanakuynin arcata, karpata,+ karpapi kaq Diosta servinapaq cosaskunatawan. 6 Rey Salomonqa llapa wajachisqan runakunapiwanmi Diospa rimanakuynin arcaq ñaupanpi kasharqanku. Chay fiestapi ovejakunata wakakunata sacrificiopi jaywasqankuqa+ sinchi askhapunin karqan, mana yupay atiyraqmi karqan. 7 Jinan sacerdotekunaqa Jehová Diospa rimanakuynin arcata apaykurqanku templopi* kaq aswan ukhu cuartoman, chayqa karqan ch’uyay-ch’uya cuarton, chaypin churarqanku querubín angelkunaq rafranpa uranman.+ 8 Chay querubinkunaq rafrankunaqa Diospa rimanakuynin arcaq jawanpin mast’arisqa kasharqan, chhaynapin querubinkunaqa rimanakuy arcatawan wantunapaq k’aspinkunatawan+ pakarqan. 9 Diospa rimanakuynin arcata wantuna k’aspikunaqa jatunmi karqan, chaymi puntankunaqa ch’uya cuartomantapas rikukuq, jawamantan ichaqa mana rikukuqchu. Chaykunaqa kunankaman chaypi kashan. 10 Chay rimanakuy arcapiqa kasharqan Horeb orqopi Moisespa chaskisqan iskay p’alta rumikunallan.+ Chay p’alta rumikunatan Moisesqa rimanakuy arcaman churarqan Israel runakunawan Jehová Dios rimanakuqtin,+ Egiptomanta Israel runakuna lloqsimusqanku qhepaman.+
11 Chaymantataq sacerdotekunaqa templomanta* lloqsimurqanku, chay sacerdotekunaqa imapiña llank’aqku chaypas+ llapankun ch’uyanchakurqanku.+ 12 Takiq Leví runakunapas+ llapankun munay tela p’achawan p’achasqa kasharqanku; Asafpa+ t’aqanmanta kaqkunapas, Emanpa+ t’aqanmanta kaqkunapas, Jedutunpa+ t’aqanmanta kaqkunapas, churinkuq t’aqanmanta kaqkunapas, wayqenkuq t’aqanmanta kaqkunapas. Paykunan aparqanku platillokunata, cuerdayoq tocanakunata, arpakunata ima. Llapa paykunan sayasharqanku altarpa ladonpi inti lloqsimuy ladopi, paykunawan kuskataq kasharqan pachaj iskay chunka sacerdotekuna trompetakunata tocaspa.+ 13 Trompeta tocaqkunapas takiqkunapas juj nisqallan Jehová Diosta jatunchasharqanku agradecekusharqanku ima. Trompeta tocasqankupas, platillo tocasqankupas, juj tocanakunata tocasqankupas munaytan uyarikusharqan. Jehová Diosta jatunchaspan paykunaqa nisharqanku: “Payqa sumaq sonqo Diosmi; mana tukukuq munakuyninqa* wiñay-wiñaypaqmi”,+ nispa. Chay ratun Jehová Diospa wasinman phuyu junt’aykurqan.+ 14 Chaymi sacerdotekunaqa templopi llank’anankuta mana ruwayta atirqankuchu. Jehová Diospa wasinqa pay kikinpa k’anchayninwanmi junt’a kasharqan.+