Mateo
1 Kay qelqan willashan Jesucristoq* vidanmanta, payqa karqan Davidpa miraynin+ Abrahanpa miraynin+ iman:
2 Abrahanmi karqan Isaacpa taytan;+
Isaactaq karqan Jacobpa taytan;+
Jacobtaq karqan Judapa taytan+ wayqenkunaq taytan ima;
3 Judataq karqan Perezpa taytan Zeraq taytan+ ima, paykunaq mamanmi karqan Tamar;
Pereztaq karqan Ezronpa taytan;+
Ezrontaq karqan Ranpa taytan;+
4 Rantaq karqan Aminadabpa taytan;
Aminadabtaq karqan Nasonpa taytan;+
Nasontaq karqan Salmonpa taytan;
5 Salmontaq karqan Boazpa taytan, Boazpa mamanmi karqan Rahab;+
Boaztaq karqan Obedpa taytan, Obedpa mamanmi karqan Rut;+
Obedtaq karqan Jesepa taytan;+
6 Jesetaq karqan rey Davidpa taytan;+
Davidtaq karqan Salomonpa taytan,+ Salomonpa mamanmi karqan Uriaspa esposan;
7 Salomontaq karqan Rehoboampa taytan;+
Rehoboamtaq karqan Abiaspa taytan;
Abiastaq karqan Asapa taytan;+
8 Asataq karqan Jehosafatpa taytan;+
Jehosafat-taq karqan Jehorampa taytan;+
Jehoramtaq karqan Uziaspa taytan;
9 Uziastaq karqan Jotanpa taytan;+
Jotantaq karqan Ajazpa taytan;+
Ajaztaq karqan Ezequiaspa taytan;+
10 Ezequiastaq karqan Manasespa taytan;+
Manasestaq karqan Amonpa taytan;+
Amontaq karqan Josiaspa taytan.+
11 Josiaspa+ churinkunan karqan Jeconiaswan+ wayqenkunapiwan, paykunan nacerqanku judío runakuna Babiloniaman apasqa kasqanku tiempopi.+
12 Babiloniaman apasqa kasqanku qhepamantaq Jeconiaspa wawan Sealtiel nacerqan.
Sealtielmi karqan Zorobabelpa taytan;+
13 Zorobabeltaq karqan Abiujpa taytan;
Abiujtaq karqan Eliaquinpa taytan;
Eliaquintaq karqan Azorpa taytan;
14 Azortaq karqan Sadocpa taytan;
Sadoctaq karqan Aquinpa taytan;
Aquintaq karqan Eliujpa taytan;
15 Eliujtaq karqan Eleazarpa taytan;
Eleazartaq karqan Matanpa taytan;
Matantaq karqan Jacobpa taytan.
16 Jacobpa wawanmi karqan Mariaq qosan José; Mariaqa Cristo*+ nisqa Jesuspa+ mamanmi karqan.
17 Llapan miraykunaqa khaynan karqan: Abrahanmanta Davidkamaqa chunka tawayoq miraymi karqan, Davidmanta Babiloniaman apasqa kasqankukamataq chunka tawayoq miray, Babiloniaman apasqa kasqankumanta Cristokamataq chunka tawayoq mirayllataq karqan.
18 Jesucristoq nacesqanqa khaynan karqan: Maman Mariaqa Josewan casarakunanpaqmi rimanasqa kasharqan. Manaraq kuska tiyashaqtinkun Mariaqa santo espirituwan*+ onqoq rijurirqan. 19 Casarakunanpaq rimaykuqnin* Josetaq chanin runa kasqanrayku mana p’enqaypi rikuchiyta munaspa pakallapi saqepuyta* munasharqan.+ 20 Chaykunapi allinta piensasqan qhepamanmi Jehová* Diospa angelninqa mosqoyninpi rijurispa nirqan: “Davidpa churin José, ama manchakuychu Mariawan casarakuytaqa,* payqa santo espirituwanmi+ onqoq kashan. 21 Juj qhari wawatan onqokunqa, chay wawatan Jesús* nispa sutichanki,+ paymi llaqtanta juchankumanta salvanqa”,+ nispa. 22 Tukuy chaykunan karqan Jehová* Diospa willasqan junt’akunanpaq, paymi profetanwan willachirqan: 23 “¡Qhawariychis! Juj doncella sipasmi* onqoq rijurinqa, paymi juj qhari wawata onqokunqa, Emanuel nispataq sutichanqaku”,+ nispa. Chay sutiqa “noqanchiswanmi Diosqa kashan” ninantan nin.+
24 Jinan Joseqa puñusqanmanta rijch’arispa Jehová* Diospa angelninpa kamachisqanman jina ruwarqan, jinaspa Mariawan casarakapurqan.* 25 Ichaqa chay wawata onqokunankaman+ mana payta llamiykurqanchu. Chay wawatan Joseqa Jesús nispa suticharqan.+