2 Crónicas
19 Chhaynapin Judá rey Jehosafatqa allillan Jerusalenpi kaq wasinman* kutipurqan.+ 2 Jinan Diospa rikuchisqanta willaq Ananipa+ churin Jehuqa,+ rey Jehosafatwan tupaq rirqan, jinaspa nirqan: “¿Allinchu qanpaq mana allin runakunata yanapay?+ ¿Allinchu qanpaq Jehová Diosta cheqnikuq runakunatapas munakuy?+ Chay ruwasqaykimantan Jehová Diosqa qanpaq phiñasqa kashan. 3 Ichaqa Diosmi qanpi allin kaqkunata tarirqan.+ Qanqa kay llaqtamantan sayashaq k’ullukunata* ch’usaqyachirqanki, tukuy sonqomantataq kallpachakurqanki Diosta maskhanaykipaq”,+ nispa.
4 Jehosafatqa Jerusalén llaqtapin tiyasharqan, jinaspan jujmanta rirqan llapa Judá ayllu runakunaman Ber-Sebamanta Efraín orqo-orqokama,+ jinan paykunata kallpacharqan ñaupa taytankuq Diosnin Jehová Diosman kutirikunankupaq.+ 5 Jehosafatqa juezkunatan churarqan llapa Judá ayllupi, llapa allin perqasqa llaqtakunapi.+ 6 Jinan chay juezkunata nirqan: “Allin yuyaywan juzgaychis, qankunaqa Jehová Diospaqmi juzgashankichis manan runakunapaqchu. Juzgashaqtiykichisqa Diosmi yanapasunkichis.+ 7 Chhaynaqa Jehová Diosta manchakuychis.+ Amataq imatapas comuntaqa ruwaychischu, Jehová Diosqa cheqnikunmi mana chaninta juzgaqkunataqa,+ payqa manan pimanpas sayapakunchu+ nitaq pagotapas chaskinchu pimanpas sayapakunanpaqqa”,+ nispa.
8 Chaymantapas Jehosafatqa Jerusalén llaqtapin juezkunata churarqan Jehová Diospa sutinpi juzganankupaq. Paykunan karqanku Leví runakuna, sacerdotekuna, familiakunapi umalliqkunapiwan. Chay juezkunan Jerusalén llaqtapi tiyaq runakunaq problemanta allichaqku.+ 9 Chay juezkunatan Jehosafatqa kamachirqan: “Qankunaqa Jehová Diosta manchakuychis, junt’aq sonqo kaychis, tukuy sonqowantaq kaykunata ruwaychis: 10 Sichus juj llaqtakunamanta wayqeykichiskuna quejakuq jamunqa, leykunatapas kamachikuykunatapas chaninchaykunatapas jujkunaq mana junt’asqanmanta, runa wañuchiymantapas chayqa,+ sut’itan paykunata ninkichis imakunamantachus cuidakunanku chayta, chhaynapi Jehová Diospa ñaupanpi ama juchachasqachu kanankupaq. Chayta mana ruwaqtiykichisqa Diosmi qankunawanpas wayqeykichiswanpas phiñakunqa. Tukuy chaykunatan ruwanaykichis mana juchachasqa kanaykichispaq. 11 Uma sacerdote Amariasmi umalliykichis kanqa, paymi yachachisunkichis Jehová Diosmanta tukuy imaymanata.+ Ismaelpa churin Zebadiastaq Judá ayllupi umalli kanqa, paymi encargakunqa reypa tukuy imaymana ruwanankunamanta. Leví runakunapas umalliykichismi kanqaku. Chhaynaqa kallpachakuychis, jinaspa llank’ashallaychis, Jehová Diosqa allin kaqta ruwaqkunawanmi kashan”,+ nispa.