2 Crónicas
8 Salomonqa iskay chunka watapin Jehová Diospa wasintapas paypa wasintapas* ruwayta tukurqan.+ 2 Chaymantataq Salomonqa Hirampa+ qosqan llaqtakunata jujmanta sayarichirqan, chay llaqtakunapitaq Israel runakunata tiyachirqan. 3 Chaymantapas Salomonqa Amaj-Zobá runakunawan maqanakuqmi rirqan, jinan paykunata atipaspa jallp’ankuta jap’ikapurqan. 4 Chaymantataq aswan allinta sayarichirqan* ch’inneqpi kaq Tajmor llaqtata, Amajpi+ kaq mijuy waqaychana llaqtakunatapas.+ 5 Chaymantapas Salomonqa Wichay Bej-Orón,+ Uray Bej-Orón+ llaqtakunatan jatarichirqan. Chay llaqtakunaqa karqan muyuriqninpi allin perqakunayoq allin punkukunayoq iman, punkunkunapas allin trancanakunayoqmi karqan. 6 Salomonqa jatarichillarqantaqmi Balaj+ llaqtata, mijuy waqaychana llaqtakunata, llapa carreta waqaychana llaqtakunata,+ caballopi sillakuq soldadokunapaq llaqtakunatapas. Chaymantapas Salomonqa imaymanakunatan ruwallarqantaq Jerusalén llaqtapi, Líbano orqopi, lliu kamachikusqan jallp’apipas.
7 Israel jallp’api qhepaqkunan karqanku Het runakuna, amorreo runakuna, perizita runakuna, heveo runakuna, Jebús runakunapiwan.+ Chay runakunaqa manan Israel runakunachu karqanku,+ 8 paykunatan Israel runakunaqa mana chinkachirqankuchu.+ Chay runakunaq miraynintan rey Salomonqa esclavota jina llank’achirqan, kunan p’unchaykamataqmi esclavo jina llank’ashanku.+ 9 Israel runakunatan ichaqa mana mayqentapas esclavota jinaqa llank’achirqanchu,+ aswanpas paykunaqa karqanku Salomonpa soldadonkuna, oficialninkunaq umallinkuna, carretakunata manejaqkunaq umallinkuna, caballopi sillaykuspa puriq soldadokunaq umallinkuna ima.+ 10 Salomonpa lliu ruwachisqanmanta encargakuqkunaq umallinkunan karqan iskay pachaj pisqa chunka, chay umallikunaqa llank’aq runakunaq capatazninmi karqanku.+
11 Chaymantapas Salomonqa Davidpa Llaqtan nisqamantan faraonpa* ususinta+ wasi ruwapusqanman pusapurqan.+ Salomonmi yuyaykurqan: “Esposayña chaypas, manan payqa Israel rey Davidpa wasinpiqa tiyanmanchu, chaypin Jehová Diospa rimanakuynin arcaqa karqan, chaymi chay cheqasqa ch’uya”,+ nispa.
12 Chaymantataq Salomonqa ruwachisqan altarpi+ Jehová Diosman jaywarqan ruphachina sacrificiokunata.+ Chay altarqa Jehová Diospa wasin punku+ ñaupanpin kasharqan. 13 Chay altarpin Salomonqa Moisespa kamachikusqanman jina ofrendakunata jaywarqan sapa samana p’unchaypi,+ sapa mosoq killa p’unchaypi,+ sapa wata jatun fiestakuna ruwasqankupi+ ima, chay fiestakunan karqan: Mana Levadurayoq T’anta Fiesta,+ Semanakuna Fiesta,+ Ch’ujlla Ruway Fiestapiwan.+ 14 Chaymantapas Salomonqa papan Davidpa nisqanman jinan sacerdotekunata t’aqarqan,+ jinaspa maypichus llank’anankuman churarqan. Leví runakunatapas maypichus llank’anankumanmi churarqan, chhaynapi Diosta jatunchanankupaq,+ wakintataq tukuy imaymanapi sacerdotekunata yanapanankupaq. Punku qhawaqkunatapas Diospa kamachin Davidpa nisqanman jinan may punkukunapichus kanankuman churarqan.+ 15 Sacerdotekunapas Leví runakunapas reypa kamachikusqanman jinan lliuta ruwarqanku, mijuy waqaychana cuartokunatapas reypa nisqanman jinan cuidarqanku. 16 Chhaynatan Salomonqa runakunata kamachirqan llank’anankuta junt’anankupaq. Paykunataq kamachisqa kasqankuman jina ruwarqanku Jehová Diospa wasinpa cimentacionninta churasqanku p’unchaymantapacha+ wasi ruway tukukunankama. Jinan Salomonqa Jehová Diospa wasinta ruwayta tukurqan.+
17 Chaymantataq Salomonqa rirqan Edom jallp’api+ kaq Ezión-Gueberman+ Elojman+ ima, chaykunaqa lamar-qocha patapin kasharqan. 18 Hiramtaq+ kamachinkunawan Salomonman apachimurqan barcokunata allin experienciayoq marinerokunatawan. Paykunan Salomonpa kamachinkunawan Ofirman+ rispa chaymanta tawa pachaj pisqa chunka talento* pesaq qorita apamurqanku,+ chaytataq rey Salomonman qorqanku.+