Miqueas
7 ¡Imaraqmi noqamanta!
Mijurikunaypaq uvasta maskhaq jinan kashani,
sumaq higosta maskhaq jinan purishani.
Q’oñi tiempopi frutaqa manan kapunñachu,
pallapanapaq* uvaspas ch’usaqmi kapun.
2 Junt’aq runan kay pachamanta chinkapun,
runakuna ukhumantan chanin runa chinkapun.+
3 Makinkuqa mana allin ruwaypaqmi kusallaña,+
umallipas imaymana regalokunatan mañakun,
juezpas pagopaqmi justiciata ruwan,+
allin reqsisqa runapas imachus munasqantan mañakun,+
llapankun mana allinpaq rimanakunku.
4 Paykunamanta allin kaqqa kiska jinan,
paykunamanta aswan chanin kaqqa kiska cercomantapas aswan millayraqmi.
Jinan paykunaqa sinchita mancharikunqaku.+
5 Aman runamasiykiq siminta creenkichu,
aman ancha munasqa amigoykipipas confiankichu.+
Aman oqllayniykipi puñuqmanpas imatapas comuntaqa willankichu.
Runaq enemigonkunaqa wasillanpitaqmi kashan.+
Diosniyqa uyarimuwanqan.+
8 Cheqnikuwaqníy, ama kusipayawaychu,
urmaniña chaypas sayarillasaqmi,
tutayaqpiña kashani chaypas Jehová Diosmi k’ancharimuwanqa.
9 Jehová Dios contran juchallikuni,+
chaymi phiñakuyninta aguantasaq,
quejakuyniyta allichanankaman, justiciata ruwapuwanankaman aguantasaq.
Paymi k’anchayman orqowanqa,
chaninchapuwasqantan rikusaq.
10 Cheqnikuwaqniypas rikunqan chaytaqa.
¿Maytaq Diosniyki Jehovari?,+ niwaqniyqa p’enqaypin tarikunqa.
Noqaqa rikusaqmi chhaynapi tarikusqanta,
callepi t’uru jinan sarusqa kanqa.
11 Chay p’unchaymi rumimanta perqaykikunaqa jatarichisqa kanqa,
chay p’unchaymi suyuqa jatunyanqa.
12 Chay p’unchaymi tukuy ladomanta jamusunkiku,
Asiria ladomanta, Egipto llaqtakunamanta,
Egiptomanta Éufrates mayukama llaqtakunamanta,
juj lamar-qochamanta juj kaq lamar-qochakama llaqtakunamanta,
juj orqomanta juj kaq orqokama llaqtakunamanta.+
13 Jallp’aqa runakunaq causanpin ch’usaqyapunqa,
imachus ruwasqankumantan chhayna kanqa.
14 Taunaykiwan llaqtaykita, herenciayki ovejakunata michiy,+
montepi sapallan tiyaq, huerta chaupipi tiyaq llaqtaykita michiy.
Basán pampapi Galaad+ pampapipas ñaupa tiempopi jina mijuchunku.
15 “Egiptomanta lloqsimusqayki tiempopi jinan
musphanapaq ruwaykunata rikuchisayki.+
16 Nacionkunan chaykunata rikuspa p’enqaypi qhepanqaku atiyniyoqña kanku chaypas.+
Siminkutan makinkuwan tapakunqaku,
ninrinkupas roqt’uyanqan.
17 Mach’aqway jinan jallp’ata llaqwanqaku,+
suchuq animalkuna jinan khatatataspa* pakakunankumanta lloqsinqaku.
Jehová Diosniyku, qanmanmi sinchi manchasqa asuykamusunkiku,
sinchitan manchakusunkiku”.+
18 Diosníy, ¿pin qan jina kanman?
Qanqa jucha perdonaqmi,+ llaqtaykimanta puchuqta+ pampachaqmi kanki,
manan wiñaypaqchu phiñasqalla kanki,
19 Jujmantan khuyapayawankiku,+ juchaykutapas sarupunkin.
Llapa juchaykutan lamar-qochaman wijch’uykapunki.+
20 Jacobman rimapayasqaykiqa cheqaqmi karqan,
Abrahanmanmi mana tukukuq munakuyniykita rikuchirqanki,
chhaynatan noqaykuwanpas ruwanki,
imaynan ñaupa taytaykuman ñaupa tiempomantaña prometerqanki jinata.+