Salmos
94 Mana allin runakunamanta vengakuq Diosníy Jehová,+
¡rikuchiy pichus kasqaykita, millay runakunata castigay!
3 Diosníy Jehová, ¿jayk’aqkaman kaykuna kanqa?
¿Jayk’aqkaman millay runakuna kusisqa kanqaku?+
4 Paykunaqa jatunchakuspan rimanku,
chay millay runakunaqa alabakuspan purinku.
5 Jehová Diosníy, paykunan llaqtaykita pisichashanku,+
herenciayki llaqtatan sarunchashanku.
6 Viudakunatan, waj llaqtayoq runakunatan wañuchinku,
mana taytayoq wajchakunatan wañuchinku.
7 Ninkutaq: “Jehová* Diosqa manan imatapas rikunchu,+
Jacobpa Diosninqa manan imatapas yachanchu”,+ nispa.
8 Yau mana yuyayniyoqkuna, ¿jayk’aqmi entiendenkichis?
Yau mana reparaqkuna, ¿jayk’aqmi reparayta yachankichis?+
9 Ninrita kamaqqa, ¿manachu uyarinman?
Ñawita ruwaqqa, ¿manachu rikunman?+
10 Nacionkunata anyaqqa, ¿manachu pitapas anyanman?+
¡Paymi runakunaman yachaytapas yuyaytapas qoqqa!+
11 Jehová Diosqa allintan yachan runakunaq imachus piensasqanta,
payqa allintan yachan runaq piensayninqa samay jinalla kasqanta.+
12 Jehová* Diosníy, may kusisqan anyasqayki runaqa,+
may kusisqan kamachikuyniykita yachachisqayki runaqa.+
13 Payqa thajllan kanqa llakikuy tiempoña jamuqtinpas,
millay runakunapaq t’oqota jasp’ikushanankaman allillan kanqa.+
15 Wajmantan chaninta juzgakunqa,
llapa ch’uya sonqo runakunan chayman jina kausanqaku.
16 ¿Pin mana allin runakunamanta jark’awanqa?
¿Pin millay runakuna contra sayariysiwanqa?
17 Manachus Jehová Dios yanapawanman karqan chayqa,
may pachachá noqaqa wañukapuyman karqan.+
18 “Chakiykunan llusk’ashan” nispa niqtiymi,
qanqa Jehová Diosníy, mana tukukuq munakuyniykipi jap’iwarqanki.+
19 Sinchi llakikuykuna, nanaykuna qatiriwaqtinpas,
qanmi Diosníy sonqochawaq kanki, qanmi kallpachawaq kanki.+
20 Qanqa manan jayk’aqpas mana chanin kamachikuqwanqa* juñukuwaqchu,
paykunaqa leykunaq sutinpin mana allin ruwaykunata ruwanku.+
22 Ichaqa, Jehová Diosmi noqapaqqa pakakunay kanqa,
paymi mana piqpa tarinan pakakunay kanqa.
Diosniyqa pakakunay jatun qaqan.+
23 Paymi mana allin ruwasqankuta paykunaman kutichinqa,+
mana allinkuna ruwasqallankuwantaqmi paykunata chinkachinqa.
Jehová Diosninchismi paykunataqa ch’usaqman tukuchipunqa.+