Salmos
Wichanapaq taki. Salomonpa takin.
127 Manachus Jehová Dios wasita sayarichinman chayqa,
yanqapaqmi wasi ruwaqkunaq llank’asqanqa kanman.+
Manachus Jehová Dios llaqtata waqaychanman chayqa,+
yanqapaqmi llaqta qhawaqkunaq rijch’asqalla kasqanqa kanman.
2 Manachus Dios bendicionninta churamusunkichisman chayqa,
yanqapaqmi tutallamanta jatarisqaykichisqa kanman,
yanqapaqmi tutakama rijch’asqaykichispas kanman,
mijunata tarinaykichispaq sinchita llank’asqaykichispas.
Diosqa munakusqan runakunatan uywan, thajpitaqmi puñuchinpas.+
4 Kallpasapa runaq makinpi flechakuna jinan wawakunaqa,
chhaynan wayna kashaspa churiyasqa wawakunaqa kanku.+
5 May kusisqan askha churiyoq runakunaqa.*+
Manan jayk’aqpas p’enqaypiqa tarikunqakuchu,*
churikunaqa llaqta punkupin enemigokunawan rimanqaku.