Salmos
112 ¡Jehová* Diosta jatunchaychis!*+
א [álef]
May kusisqan Jehová Diosta manchakuq runaqa,+
ב [bet]
may kusisqan paypa kamachikuyninkunawan kusikuq runaqa.+
ג [guímel]
2 Paypa miraynin runakunaqa atiyniyoqmi kay pachapi kanqaku,
ד [dálet]
chanin runakunaq mirayninkunaqa bendecisqan kanqaku.+
ה [he]
3 Wasinpiqa imaymanakunan kashan, qhapaq kaykunan kashan,
ו [waw]
chanin ruwaykuna ruwasqanqa wiñaypaqmi kanqa.
ז [zayin]
4 Chanin runakunapaqmi payqa tutayaqpi k’anchay jina.+
ח [jet]
Llakipayakuqmi, khuyapayakuqmi,+ chanintaqmi kanpas.
ט [tet]
5 Mana maqllakuspa imatapas mañaq runapaqqa imapas allillanmi.+
י [yod]
Chanin kaywanmi ima ruwanantapas ruwan.
כ [kaf]
6 Paytaqa manan imapas urmachinqachu.+
ל [lámed]
Chanin runaqa manan jayk’aqpas qonqasqachu kanqa.+
מ [mem]
7 Mana allin willakuy chaskiytaqa manan manchakunqachu.+
נ [nun]
Sonqontaqa manan imapas kuyurichinqachu,
payqa Jehová Diosmanmi jap’ipakun.+
ס [sámekh]
8 Sonqonqa mana manchakuqmi, mana kuyuriqmi.+
ע [ayin]
Enemigonkuna atipasqa kasqantan kusikuywan qhawanqa.+
פ [pe]
9 Payqa askhatan imatapas qokun, wajchakunamanpas askhatan qoykun.+
צ [sadé]
Chanin ruwaykuna ruwasqanqa wiñaypaqmi kanqa.+
ק [qof]
Atiyninqa astawanraqmi yapakunqa, jatunchasqan kanqa.
ר [resh]
10 Chayta rikuspan millay runaqa phiñakunqa.
ש [shin]
Kiruntaraqmi k’achachachinqa, jinaspataq chinkapunqa.
ת [taw]
Millay runaq munapayasqanqa mana imapin tukupunqa.+