1 Corintios

13 Yaqapaschá juj simikunata rimayman angelkunaq rimaynintapas rimayman, ichaqa manataq munakuyniy kanmanchu chayqa, suenaq campana jinalla otaq “chanlán” niq platillo jinallan kayman. 2 Yaqapaschá profetizayta atiyman, Diospa pakasqa ch’uya yachayninkunatapas lliuta yachayman, tukuy imatapas allinta yachayman,+ iñiyniypas orqokunata juj ladoman astanaypaq jinaraq kanman, ichaqa manataq munakuyniy kanmanchu chayqa, manan imapaschu kayman.*+ 3 Yaqapaschá tukuy kaqniykunata jujkunaman qoyman,+ cuerpoytapas jatunchakunaypaq wañuyman entregayman, ichaqa manataq munakuyniy kanmanchu chayqa,+ yanqapaqmi imatapas ruwayman.

4 Pipas munakuqqa+ pacienciakuqmi,+ sumaq sonqon.+ Pipas munakuqqa manan envidiakunchu,*+ manan alabakunchu, manan jatunchakunchu,+ 5 manan mana respetoyoqchu,+ manan paypa allinnillantachu maskhan,+ manan imamantapas phiñakunpachachu.+ Munakuqqa manan piqpa mana allin ruwasqantapas yuyashallanchu.+ 6 Munakuqqa manan imachus mana chanin kaqmantachu kusikun,+ aswanpas cheqaq kaqmantan kusikun. 7 Munakuqqa tukuy imapin pacienciakun,+ tukuy imatan creen,+ tukuy imatan suyan,+ tukuy imatan aguantan.+

8 Munakuyqa mana jayk’aq tukukuqmi.* Ichaqa runakunaman Diospa qosqan profetizay atiypas, waj simi rimay atiypas, yachay chaskiypas chinkapunqan. 9 Noqanchisqa wakillantan yachanchis,+ wakillantataqmi profetizanchispas. 10 Ichaqa maypachachus llapanta yachasun llapanta profetizasunpas, chaypachan tukukapunqa wakillan yachaypas wakillan profetizaypas. 11 Wawa kaspayqa wawa jinan rimaq kani, wawa jinan piensaq kani, wawa jinan imatapas qhawariq kani; kunan kuraqña kaspaymi ichaqa qonqapuniña wawa jina ruwaykunataqa. 12 Kunanqa metalmanta ruwasqa espejopipas qhawakushasunman jinan arphata rikushanchis, chaymantan ichaqa allinta rikusunchis, piwanpas uya-uyapura kashasunman jinata. Kunanqa manaraqmi llapantachu Diosmanta yachani, qhepamanmi ichaqa lliuta yachasaq, imaynan paypas allinta reqsiwan jinata. 13 Iñiywan, suyakuywan, munakuywanqa kashallanqan; chay kinsantinmanta kuraqmi ichaqa munakuy.+