Amós
1 Kaymi Amospa* willakuynin. Payqa Tecoa llaqtapi+ oveja michiqkunamanta jujninmi. Judapi rey Uzías+ kamachishaqtinmi, Israelpipas Joaspa+ churin Jeroboán+ kamachishaqtinmi Amosqa Israel ayllumanta juj rijuriyta rikurqan. Chayqa karqan terremotoq pasasqanmanta iskay wata ñaupaqtan.+ 2 Nirqanmi:
“Jehová Diosmi Sion orqomantapacha qaparimunqa,
Jerusalenmantapachan fuerteta wajakamunqa.
Pastokunan naq’epunqa,
Carmelo orqopi pastokunapas ch’akipunqan”,+ nispa.
3 “Jehová Diosmi nin:
Damasco llaqtaq kinsa juchanmanta, tawa juchanmantan imachus piensasqayta mana cambiasaqchu.
Fierro trillanawan Galaadta ñut’usqankumantan+ imachus yuyaykusqayta mana cambiasaqchu.
5 Damasco llaqtaq punku trancanankunatan p’akisaq,+
Bicaj-Avenpi tiyaq runakunatan ch’usaqyachisaq,
Bej-Edenpi kamachikuqtan* chinkachisaq.
Siria runakunataq Quir llaqtaman preso apasqa kanqaku,+ nispa. Jehová Diosmi chayta nin.
6 Jehová Diosmi nillantaq:
Gaza llaqtaq kinsa juchanmanta,+ tawa juchanmantan imachus piensasqayta mana cambiasaqchu.
Paykunaqa askha runakunatan presota aparqanku,+ jinaspa Edom runakunaman entregarqanku.
7 Chayraykun Gaza muyuriq perqata kanaykusaq,+
allin perqasqa torrenkunatan ruphaykachisaq.
Ecrón llaqta contran sayarisaq,+
puchuq Filistea runakunapas ch’usaqyachisqan kanqaku,+ nispa. Tukuy munayniyoq Jehová Diosmi chayta nin.
9 Jehová Diosmi nillantaq:
Tiro llaqtaq kinsa juchanmanta,+ tawa juchanmantan imachus piensasqayta mana cambiasaqchu.
Paykunaqa askha runakunatan presota apaspa Edomman entregarqanku,
wayqentin jina kanankupaq rimanakusqankutapas manan yuyarqankuchu.+
10 Chayraykun Tiro llaqtaq muyuriq perqanta kanaykusaq,
allin perqasqa torrenkunatan ruphaykachisaq,+ nispa.
11 Jehová Diosmi nin:
Edom suyuq kinsa juchanmanta,+ tawa juchanmantan imachus piensasqayta mana cambiasaqchu.
Payqa espadawanmi kikin wayqenta qatikacharqan,+
mana khuyapayaspan qatikacharqan.
Phiña animal jinan paykunata llik’ishan,
phiñasqallan paykunapaq kashan.+
12 Chayraykun Temán llaqtata kanaykusaq,+
Bozrá llaqtaq allin perqasqa torrenkunatan ruphaykachisaq,+ nispa.
13 Jehová Diosmi nin:
Anmón runakunaq+ kinsa juchanmanta, tawa juchanmantan imachus piensasqayta mana cambiasaqchu.
Jallp’ankuta jatunyachiyta munaspan+ Galaad llaqtayoq onqoq warmikunaq wijsanta khallarqanku.
14 Chayraykun Rabá llaqtaq muyuriq perqanta kanaykusaq,+
allin perqasqa torrenkunatan ruphaykachisaq.
Llaqtaman soldadokuna phawaykuqtinmi, qapariy uyarikunqa,
manchay wayra p’unchaymi chay p’unchayqa kanqa.
15 Reyninkupas umallinkunapas preso apasqan kanqaku,+ nispa. Jehová Diosmi chayta nin.