Salmos
Davidpa takin.
24 Jehová Diospan jallp’aqa, chaypi kaqkunapas paypan,+
jallp’a pachapas llapa chaypi tiyaqkunapas paypan.
2 Paymi lamar-qocha patapi allinta tajyachirqan,+
mayukuna patapin allinta sayachirqan.
3 ¿Pin Jehová Diospa orqonman wichanman?+
¿Pin ch’uya kaq partepi sayayta atinman?
4 Limpio makiyoqmi, ch’uya sonqoyoqmi,+
noqarayku* juraspa mana yanqa juraqmi,*
jujkunata engañananpaqpas mana juraqmi.+
5 Payqa Jehová Diosmantan bendicionkunata chaskinqa,+
libraqnin Diosqa chaninpaqmi payta qhawarinqa.+
6 Kay miraykunan Diosta maskhaqkunaqa kanku,
Jacobpa Diosnin, paykunan uyaykita maskhaqkunaqa kanku. (Séla).
7 ¡Punkukuna, umaykichista oqariychis!+
¡Ñaupa tiempo punkukuna kicharikuychis!*
¡Ancha jatun reymi jaykumushan!+
8 ¿Pitaq chay ancha jatun reyri?
9 ¡Punkukuna, umaykichista oqariychis!+
¡Ñaupa tiempo punkukuna kicharikuychis!
¡Ancha jatun reymi jaykumushan!
10 ¿Pitaq payri? ¿Pin chay ancha jatun rey kanman?
Ejercitokunata kamachiq Jehová Diosmi* chay ancha jatun reyqa.+ (Séla).