1 Timoteo
2 Astawanqa kallpachayki llapa runakunapaq Diosmanta rogapunaykipaq, mañapunaykipaq, valekapunaykipaq, paykunamanta graciasta qonaykipaq iman; 2 kaqllatataq ruwaychis reykunapaqpas llapa kamachikuqkunapaqpas,+ chhaynapi tukuy sonqowan Diosta servispa imatapas allinta ruwaspa ima thajpi sumaqta kausananchispaq.+ 3 Chay ruwayqa allinmi salvawaqninchis Diospaqqa, sonqonpaq jinataqmi kanpas.+ 4 Payqa llapa runapas salvasqa kanantan munan,+ cheqaq kaqtapas allinta yachanankutan munan. 5 Ch’ullallan Diosqa,+ ch’ullallataqmi Dioswan runakunawan allipunachiqpas,+ payqa Cristo Jesusmi.+ 6 Paymi entregakuspa llapa runakuna juchamanta kacharichisqa kananpaq necesitakusqan preciota pagarqan;+ chaykunamantaqa tiempollanpin willakunan. 7 Chaymanta willanaypaqmi+ noqaqa apóstol jina churasqa karqani,+ arí, iñiymanta cheqaq kaqmantawan waj nación runakunaman yachachinaypaqmi churasqa karqani,+ noqaqa sut’illantan chaytaqa nishani, manan llullakushanichu.
8 Chayraykun noqaqa munani maypiña juñukushankichis chaypas qharikunaqa ch’uya makinkuta oqarispa Diosmanta mañakushanankuta,+ manataqmi phiñachinakuspachu+ ni imamantapas discutispachu+ kashananku. 9 Warmikunapas munay rikukunankupaqqa manan imayna simp’akuypichu ni qorikunawan perlakunawan* churakuypichu afanakunanku, nitaq nishu valeq p’achawan p’achakuypichu afanakunanku,+ aswanpas allin jap’iq p’achawanmi p’achakunanku, p’enqakuywan allin yuyaywan ima. 10 Arí, munay rikukunankupaqqa Dios sonqo warmikuna jinan allin kaqkunata ruwananku.+
11 Chaymantapas, warmikunaqa k’umuykukuywanmi ch’inlla yachananku.+ 12 Manan munanichu warmiq yachachinantaqa ni qharita kamachinantapas, aswanpas warmikunaqa ch’inllan kananku.+ 13 Adanmi ñaupaqtaqa ruwasqa karqan, chaymantañan Evaqa.+ 14 Chaymantapas manan Adanchu engañasqaqa karqan, aswanpas warmin engañasqaqa karqan,+ chhaynapin juchasapa kapurqan.* 15 Chayraykun warmikunaqa wawakunayoq kananku allin waqaychasqa kanankupaq,+ ichaqa allintan sayananku iñiypi, munakuypi, ch’uya kaypi, allin yuyayniyoq kaypipas.+