Esdras
4 Judá aylluq Benjamín aylluq+ enemigonkunan yacharurqanku Babiloniamanta kutimpuq runakuna+ Israelpa Diosnin Jehová Diospaq templota sayarichishasqankuta. 2 Chaymi Zorobabelman familiakunapi umallikunamanwan qayllaykuspa nirqanku: “Qankunawan kuskan llank’ayta munayku. Noqaykupas Diosniykichistan yupaychayku,+ Asiria rey Esar-Adonpa+ tiemponmantapachan sacrificiokunatapas payman jaywashayku, chay reymi noqaykutaqa kayman apamuwarqanku”,+ nispa. 3 Zorobabelwan, Jesuawan, Israel nacionpi familiakunaq wakin umallinkunapiwanmi ichaqa nirqanku: “Qankunaqa manan Diosniykuq wasintaqa ruwaysiwankikumanchu,+ noqallaykun Israelpa Diosnin Jehová Diospa wasintaqa ruwasaqku, chhaynatan Persia rey Ciropas kamachimuwanku”,+ nispa.
4 Jinan muyuriqninku llaqtakunapi tiyaq runakunaqa judío runakunata iskayachiyta manchachiyta ima qallarirqanku, chhaynapi amaña chay templota jujmanta jatarichinankupaq.+ 5 Chaymantapas reyta yuyaychaq runakunamanmi qolqeta pagarqanku judío runakunaq ruwasqankuta sayachinankupaq.+ Chaytaqa ruwarqanku Persia rey Ciroq tiemponmanta rey Darioq+ tiemponkaman. 6 Rey Asuero kamachikuyta qallarishaqtinmi paykunaqa juj cartata qelqarqanku, chaypin Judá llaqtapi Jerusalén llaqtapi tiyaqkunata imaymanamanta tumparqanku. 7 Persia rey Artajerjes kamachikusqan tiempopipas, Bislanwan, Mitridateswan, Tabelwan, llapa llank’aqmasinkunapiwanmi rey Artajerjesman juj cartata qelqarqanku. Chaytataq arameo simiman+ t’ijrarqanku, arameo letrakunawantaq qelqarqanku.*
8 * Gobiernomanta jatun autoridad Reunmi qelqaq Sinsaipiwan rey Artajerjesman Jerusalén contra juj cartata qelqarqanku. 9 (Chay cartata qelqaqkunan karqanku: gobiernomanta jatun autoridad Reún, qelqaq Sinsái, llank’aqmasin juezkuna, sullk’a kamachikuqkuna, secretariokuna, Erec+ llaqtamanta runakuna, Babilonia llaqtamanta runakuna, Susa+ llaqtamanta Elam runakuna,+ 10 ancha allinpaq jap’isqa rey Asnaparpa Samaria+ llaqtakunaman apamusqan nacionkuna, Éufrates mayuq inti jaykuy ladonpi tiyaq runakunapiwan). 11 Chay apachisqanku cartapin nirqan:
“Rey Artajerjes, Éufrates mayuq inti jaykuy ladonpi tiyaq kamachiykikunan qelqamushaykiku: 12 Reyniyku, tiyasqayki llaqtamanta jamuq judío runakunan Jerusalenman chayamuspa chay llaqtata jujmanta jatarichishanku, cimentacionnintapas allicharunkuñan, perqankunatapas tukurushankuñan.+ Chay llaqta runakunaqa mana kasukuq millay runakunan kanku. 13 Reyniyku, sichus chay llaqtata jujmanta jatarichinqaku, perqankunatapas sayarichiyta tukunqaku chayqa, manañan ima impuestotapas* qonqakuñachu,+ chaywantaqmi reypa* qolqenqa pisiyanqa. 14 Noqaykuqa reypa pagasqanmi kayku,* chaymi mana munaykuchu reypa imanpas pisiyananta. Chaymi reyniyku kay cartata apachimushaykiku chaykunata yachanaykipaq 15 jinallataq ñaupa reykunaq qelqachisqan qelqakunapi maskhachinaykipaqwan.+ Chay qelqakunapin tarinki chay llaqta runakunaqa mana kasukuqkuna millay runakuna kasqankuta, reykunatapas qayllankupi kaq llaqtakunatapas mana allinta ruwaqkuna kasqankuta, ñaupa tiempomantapacha gobierno contra jatariq kasqankutapas. Chayraykun chay llaqtaqa thunisqapas karqan.+ 16 Reyniyku, sichus chay llaqtata jujmanta jatarichinqaku, perqankunatapas sayarichiyta tukunqaku chayqa, manañan qanpañachu kanqa Éufrates mayuq+ inti jaykuy ladonpi llaqtakunaqa”, nispa.
17 Reytaq gobiernomanta jatun autoridad Reunman, qelqaq Sinsaiman, Samaria llaqtapi tiyaq llapa llank’aqmasinkunaman, Éufrates mayuq inti jaykuy ladonpi tiyaq runakunamanwan khaynata nimurqan:
“¡Thaj kay qankunapaq kachun! 18 Carta apachimuwasqaykichistan allinta leerapuwanku,* 19 kamachisqayman jinataqmi qelqakunatapas maskharunku. Chay qelqakunapi nisqanman jinaqa chay llaqta runakunaqa ñaupaqmantapachan reykuna contra jatariqkuna kasqaku, maqanakuyllapi ch’aqwayllapi puriq runakunan kasqaku.+ 20 Chaymantapas Jerusalenpiqa atiyniyoq reykunas kasqa, paykunas Éufrates mayuq inti jaykuy ladonpi llaqtakunata kamachisqaku impuestokunatapas* cobrasqaku. 21 Chhaynaqa chay runakunata kamachiychis amaña chay llaqtata jatarichinankupaq. Noqa ninaykaman ama imatapas ruwanqakuchu. 22 Usqhayllan chaytaqa ruwankichis, chhaynapi reypa kaqninkuna ama astawan pisiyananpaq”,+ nispa.
23 Rey Artajerjespa apachimusqan cartata Reunman, qelqaq Sinsaiman, llank’aqmasinkunamanwan leeruqtinku jinan paykunaqa Jerusalenman usqhaylla rispa judío runakunata obligarqanku amaña llank’anankupaq. 24 Chay ratupachan Jerusalenpi Diospa wasin ruwayqa sayapurqan, Persia rey Darioq iskay kaq wata kamachikuyninkaman sayapurqan.+