Salmos
115 Diosniyku Jehová, manan noqaykuqa imatapas chaskinaykuchu,
Diosniyku, manan noqaykuqa jatunchasqachu kanayku;
sutiyki aswanpas jatunchasqaqa kachun,+
mana tukukuq munakuyniykirayku, junt’aq kasqaykirayku jatunchasqa kay.+
2 ¿Imaraykutaq nacionkunari ninkuman:
¿Maypitaq Diosninkuri kashan?,+ nispanku?
3 Diosninchisqa janaq pachapin kashan,
payqa tukuy ima munasqantan ruwan.
4 Nacionkunaq diosninkuq rijch’ayninkunaqa qorimanta qolqemantan,
runaq makinpa ruwasqallanmi.+
5 Simiyoqmi kanku, ichaqa manan rimankuchu,+
ñawiyoqmi kanku, ichaqa manan rikunkuchu.
6 Ninriyoqmi kanku, ichaqa manan uyarinkuchu,
senqayoqmi kanku, ichaqa manan muskhinkuchu.
7 Makiyoqmi kanku, ichaqa manan llaminkuchu,
chakiyoqmi kanku, ichaqa manan purinkuchu,+
kunkankumantapas manan ima rimaypas uyarikunchu.+
8 Pipas chay idolokunata ruwaqqa paykuna jinan kanqa,+
chaykunapi jap’ipakuqkunapas paykuna jinan kanqaku.+
9 Yau Israel runakuna, Jehová Diosman jap’ipakuychis.+
(Paymi yanapaqniykichisqa, paymi pakakunaykichis escudoqa).+
10 Aaronpa miraynin runakuna,+ Jehová Diosman jap’ipakuychis.
(Paymi yanapaqniykichisqa, paymi pakakunaykichis escudoqa).
11 Jehová Diosta manchakuqkuna, Jehová Diospi confiaychis.+
(Paymi yanapaqniykichisqa, paymi pakakunaykichis escudoqa).+
12 Jehová Diosqa yuyashawanchismi, payqa bendeciwasunmi.
Israelmanta jamuq runakunatan bendecinqa,+
Aaronpa miraynin runakunatan bendecinqa.
13 Jehová Diosqa manchakuqnin runakunatan bendecinqa,
juch’uykunatapas jatunkunatapas bendecinqan.
14 Jehová Diosqa askhamanmi tukuchisunkichis,
wawaykichiskunatapas askhamanmi tukuchinqa.+
15 Jehová Diosqa llapaykichismanmi bendicionta churamusunkichis,+
cielota kay pachatawan kamaqmi bendecisunkichis.+
18 Noqanchismi ichaqa Jehová* Diosta jatunchasunchis,
kunanmanta wiñay-wiñaypaqmi payta jatunchasunchis.