Salmos

Wichanapaq taki.

130 Diosníy Jehová, sinchi llakikuy ukhumantan wajakamuyki.+

2 Diosnilláy Jehová, wajakusqayta uyariykamuway.

Yanapay mañakusqayta ninriyki uyarimuwachun.

3 Jehová* Diosníy, juchakunatachus yupashallawaq* chayqa,

¿pin Jehová Diosníy ñaupaykipi kashanman?+

4 Qanmi cheqaq perdonaqqa kanki,+

chaywanmi qanqa may respetasqa kanki.+

5 Noqaqa Jehová Diosllapin suyakuni,

payllapipunin suyakuyniyqa kashan;

paypa rimasqan junt’akunantan suyakuni.

6 Pacha illarimunanta suyakuq llaqta qhawaqkunamantapas+

astawanraqmi noqaqa tukuy sonqo Jehová Diosta suyakushani,+

arí, paykunamantapas astawanraqmi suyakushani.

7 Israelqa Jehová Diosllapi suyakuchun;

Jehová Diosqa tukuy tiempo munakuqmi,+

payqa may atiyniyoqmi librananpaq.

8 Israeltan llapa juchankunamanta libranqa.