Amós
7 Tukuy munayniyoq Señor Jehová Diosmi juj rijuriyta rikuchiwarqan. Chay rijuriypin payqa qhepa tarpuy* mijuy wiñashaqtin askha langostakunata* kachamushasqa. Chayqa karqan reypa pastonta rutusqanku qhepaman tarpusqa mijuymi. 2 Suyupi chajra ruwasqankuta langostakuna mijuyta tukupuqtinmi noqaqa nirqani: “Tukuy munayniyoq Señor Jehová, ama jinachu kay, perdonaykuy kay runakunata.+ ¿Imawanmi Jacob kausanqa?* Qhawariy, ¡manan kallpanpas kanñachu!”,+ nispa.
3 Chayta niqtiymi Jehová Diosqa imachus piensasqanta cambiarqan,+ jinan Jehová Diosqa niwarqan: “Manan chaytaqa ruwasaqchu”, nispa.
4 Chaymantan tukuy munayniyoq Señor Jehová Diosqa juj rijuriytañataq rikuchiwarqan. Chay rijuriypin tukuy munayniyoq Señor Jehová Diosqa kamachikurqan suyu ninawan castigasqa kananpaq, jinan ninaqa lamar-qochata ruphaspa ch’akichirqan, suyupi juj partetapas ruphaykurqanmi. 5 Chaymi noqaqa nirqani: “Tukuy munayniyoq Señor Jehová, ama chaytaqa ruwaychu.+ ¿Imawanmi Jacob kausanqa? Qhawariy, ¡manan kallpanpas kanñachu!”,+ nispa.
6 Chayta niqtiymi Jehová Diosqa imachus piensasqanta cambiarqan,+ jinan tukuy munayniyoq Señor Jehová Diosqa niwarqan: “Manan chaytapas ruwasaqchu”, nispa.
7 Chaymantataq juj rijuriytañataq rikuchiwarqan. Chay rijuriypin Jehová Diosqa plomadawan perqasqa perqa patapi sayashasqa, payqa plomada makintinmi kashasqa. 8 Jinan Jehová Diosqa niwarqan: “Amós, ¿imatan rikushanki?”, nispa. Noqataq nirqani: “Plomadatan”, nispa. Jehová Diostaq niwarqan: “Israel llaqtaymanmi plomadata churaykuni, manan paykunataqa perdonasaqñachu.+ 9 Isaacpa yupaychanan patakunan*+ ñut’usqa kanqa, Israelpa yupaychanan ch’uya cheqaskunapas thunisqan kanqa.+ Noqan Jeroboanpa miraynin runakunatapas espadawan wañuchisaq”,+ nispa.
10 Betelpi kaq sacerdote+ Amasiasmi juj willakuyta Israelpi kamachikuq rey Jeroboanman apachirqan,+ nirqanmi: “Amosmi Israel ayllupi qan contra jatarishan.+ Kay suyu runakunaqa manan chay rimasqanta aguantayta atinkumanchu.+ 11 Amosqa khaynatan nishan: Jeroboanqa espadawan wañuchisqan kanqa, Israel runakunapas jallp’ankumantan preso apasqapuni kanqaku,+ nispa”.
12 Chaymantataq Amasiasqa Amosta nirqan: “Yau, rijuriykuna rikuq runa, ripuy kaymanta. Judá ladoman ripuy, chaypi llank’amuy,* chaypi imatapas willamuy.+ 13 Aman kay Betel llaqtapiqa imatapas willankiñachu.+ Kay llaqtaqa reypa yupaychanan ch’uya cheqasmi,+ kay aylluq templonmi”, nispa.
14 Jinan Amosqa Amasiasta nirqan: “Noqaqa manan profetachu karqani ni profetaq wawanpaschu karqani. Noqaqa oveja michiqllan karqani,+ sicómoro sach’akunata cuidaqllan* karqani. 15 Jehová Diosmi ichaqa wajamuwarqan ovejata michishaqtiy, jinaspan Jehová Diosqa niwarqan: Riy, Israel llaqtayman simiyta willamuy,+ nispa. 16 Chhaynaqa Jehová Diospa siminta uyariy: Qanqa nishankin: Ama Israel llaqta contra willaychu,+ ama Isaacpa wasin contra rimaychu,+ nispa. 17 Chayraykun Jehová Dios nin: Warmiykin llaqta ukhupi ramera warmi kanqa, churiykikunapas ususiykikunapas espadawan wañuchisqan kanqaku. Jallp’aykipas medina waskhawan rakisqan kanqa, qantaq waj llaqtapi wañunki. Israel runakunapas jallp’ankumantan apasqapuni kanqaku,+ nispa”.