Oseas
2 ”Wayqeykichiskunata nimuychis: ¡Llaqtalláy!,*+ nispa.
Panaykichiskunatataq nimuychis: ¡Diospa khuyapayasqan* warmi!,+ nispa.
2 Mamaykichista juchachaychis, payta juchachaychis,
payqa manan esposaychu+ nitaq noqapas qosanchu kani.
Amaña ramera warmichu kachun,*
jujwan pantayninta wijch’upuchun.
3 Mana chayqa noqan p’achanta ch’utisaq,
nacesqan p’unchaypi jinan q’alallata saqesaq.
Ch’inneq pampamanmi tukuchisaq,
ch’aki jallp’amanmi tukuchisaq,
ch’akiymantan wañuchisaq.
4 Wawankunataqa manan khuyapayasaqchu,
paykunaqa qhelli juchapi churiyasqa* wawankunan kanku.
Onqokuqninku warmiqa mana p’enqarikuqmi,+
paymi nirqan: Munakuqniy qharikunaman purisaq,+
t’antata qowaqniykunaman, unuta qowaqniykunaman risaq,
willmata, lino telata, aceiteta, vinotapas qowaqniykunaman pasasaq, nispa.
6 Chay warmiq purinantan kiskakunawan wisq’asaq,
chayninta mana pasananpaqmi rumimanta perqata sayarichisaq,
chhaynapin payqa mayninchus purinanta mana tarinqachu.
7 Munakuqnin qharikunaq qhepantan phawanqa, ichaqa manan aypanqachu.+
Maskhanqan, ichaqa manan tarinqachu.
8 Chay warmiqa manan repararqanchu noqa trigo qoqnin,+ vino qoqnin, aceite qoqnin kasqayta,
manan repararqanchu askhanpi qolqe qoqnin qori qoqnin kasqayta,
chay qolqewanmi, chay qoriwanmi Baaltapas yupaycharqan.+
9 Cosecha tiempopi kutimuspan trigoyta apakapusaq.
Uvas pallay tiempopin mosoq vinoyta apakapusaq.+
Cuerponpaq qosqay willmatapas lino telatapas qechupusaqmi.
10 Kunanmi munakuqnin qharikunaq ñaupanpi q’alallata saqerparisaq.
Manan pi runapas paytaqa makiymanta libranqachu.+
11 Llapa kusikuynintan tukuchipusaq,
fiestankunatan+ mosoq killa p’unchay fiestankunatan chinkachipusaq,
samana p’unchay fiestankunatan llapa fiestankunatan tukuchipusaq.
12 Uvas sach’antapas higos sach’antapas chaqopusaqmi.
Chaykunamantan payqa nirqan: Munakuqniy qharikunaq qowasqanmi, nispa.
Chaykunatan noqaqa qorawan tukuchipusaq,
salqa animalkunawanmi mijuchipusaq.
13 Chay warmimantan cuentata mañasaq Baal idolokunaman sacrificio jaywasqanmanta.+
Payqa anillonkunawan churarukuspan, sumaqta p’acharukuspan munakuqnin qharikunaq qhepanta purirqan.
Noqata saqerpariwaspan paykunaq qhepanta phawarqan,+ ninmi Jehová Dios.
14 Chaymi paytaqa sumaqllata rimapayasaq,
jinaspa ch’inneq pampaman pusasaq.
Sonqonman chayaqtan rimapayasaq.
15 Chaymantapachan uvas chajrankunata kutichipusaq.+
Acor wayq’otan+ suyakuna punkuman tukuchisaq.
Chaypin payqa sipas kasqan tiempopi jina uyariwanqa,
Egiptomanta lloqsimusqan tiempopi jinan kasukuwanqa.+
17 Siminmantan Baal idolokunaq sutinta chinkachisaq.+
Chay idolokunaq sutinqa manañan yuyarisqachu kanqa.+
18 Chay p’unchaymi llaqtaypa allinninpaq juj rimanakuyta ruwasaq,
campopi salqa animalkunawan+ phalaq animalkunawan iman rimanakusaq,
pampanta suchuq animalkunawan iman rimanakusaq.+
Suyumantan chinkachisaq flechana arcota, espadata, guerratawan.+
Thajpin llaqtayta tiyachisaq.+
19 Qanwanmi wiñaypaq casarakusaq,
chanin kaqta ruwapunaypaqmi prometekuyki,
khuyapayanaypaqmi, tukuy tiempo munakunaypaqmi* prometekuyki.+
20 Qan sonqolla kanaypaqmi prometekuyki,
qanqa noqa Jehová Diostan allinta reqsiwanki.+
21 Chay p’unchaymi janaq pachaq imachus mañakusqanta qosaq,
janaq pachataq jallp’a pachaq imachus mañakusqanta qonqa,+ ninmi Jehová Dios;
22 jallp’ataq trigoq, vinoq, aceiteq imachus mañakusqanta qonqa;
Mana llaqtaymanta kaqkunatan* nisaq: Qankunan llaqtay kankichis,+ nispa.
Paykunataq niwanqaku: Qanmi Diosniyku kanki,+ nispa”.