Salmos
Takiqkunata pusariqpaq. Davidpa takin.
109 Yupaychanay Diosníy,+ amayá ch’inllaqa kaychu.
2 Millay runan noqa contra siminta kichashan,
llullakuyta munakuq runan noqa contra rimashan.
Llullakuspan noqa contra imaymanata rimanku.+
3 Millay k’araq simikunata rimaspan muyuykuwanku,
yanqapas qasin noqa contra sayarinku.+
4 Munakuytaña rikuchini chaypas contrallaypipunin kashanku,+
chhaynaña kaqtinpas noqaqa mañakushallanin.
6 Cheqniwaqniy runaqa millay runaq juzgasqan kachun,
pay contra kaq runa paña ladollanpi sayachun.
7 Juiciota ruwaqtinku juchachasqa kachun,
mañakusqanpas juchapaq qhawarisqa kachun.+
9 Churinkuna mana taytayoq qhepachunku,
esposanpas viuda warmi kapuchun.
10 Wawankunapas limosnata mañakuspa purichunku,
thunisqa wasipi tiyachunku,
mijunata maskhaspa purichunku.
11 Manuqnin runapas llapa kaqninkunata jap’ikapuchun,
mana reqsisqakuna kaqninkunata qechupuchunku.
12 Ama pipas paytaqa llakipayachunchu,*
ama mana taytayoq wawankunatapas khuyapayachunkuchu.
13 Miraynin runakunaqa chinkachisqa kachunku,+
sutintapas llapa wiñaymasinkuna qonqapuchunku.
14 Ñaupa taytankunaq juchanta Jehová Dios yuyarichun,+
mamanpa juchanpas ama pampachasqachu kachun.
15 Paykunaq ruwasqanqa Jehová Diospa ñaupallanpi kachun,
sutinkupas kay pachapi qonqasqa kachun.+
16 Chay runaqa manan khuyapayakuytaqa yuyarillarqanpaschu,*+
aswanmi payqa sarunchasqa runata, llakiq ñit’isqan wajcha* runata qatikacharqan,+
wañuchiyta munaspan payta qatikacharqan.+
17 Jujkunata ñakaymi paymanqa gustaq,
chay ñakasqanqa payllamantaqmi kutimurqan.
Manan payqa pitapas sumaqtachu qhawariq,
chaymi mana ima bendiciontapas chaskirqanchu.
18 Ñakaykunan paytaqa qataykurqan,
unu jinaraqmi cuerponman jaykurqan,
aceite jinaraqmi tullunkunaman chayarqan.
19 Ñakaykunaqa churakusqan p’acha jina kachun,+
sapa kuti watakusqan chumpi jina kachun.
20 Chaytan Jehová Diosqa noqa contra jatariqkunata ruwanqa,+
chaytan payqa noqa contra millayta rimaqkunaman chayachinqa.
21 Tukuy munayniyoq Señorníy, Jehová Diosníy,
sutiykirayku yanapaykuway.+
Mana tukukuq munakuyniykipi libraway.+
23 Llanthu jinan chinkaripushani,
p’achamanta chhafchirparisqa langosta* jinan kani.
24 Ayunasqaywanmi moqoykunapas* liwi-liwillaña kashan;
tullullañan kashani, cuerpoypas manan kanñachu.
25 Jujkunaq asipayananmi kapuni.+
Rikuwaspankun umankuta maywirisparaq pisichawanku.+
26 Diosnilláy Jehová, yanapaykuway,
mana tukukuq munakuyniykipi libraway.
27 Llapanku yachachunku makiyki salvaq kasqanta;
Diosníy Jehová, yachachunku qanlla libraq kasqaykita.
28 Paykunaq siminmantaqa ñakayllan lloqsimunqa,
qan ichaqa bendicionta churamuway.
Noqa contra jatarispaqa p’enqasqa qhepachunku;
noqa kamachiyki ichaqa kusisqalla kasaq.
29 Noqa contra kaqkunaqa pisichasqa kaywan p’achakuchunku,
p’enqachisqa kaywan jatun p’achawan jina churasqa kachunku.+
30 Simiyqa Jehová Diostan jatunchanqa;
askha runakuna ukhupin payta alabasaq.+
31 Payqa wajcha runaq paña ladonpin sayaykunqa,
chinkachiyta munaqkunamantan libranqa.