Job
40 Jehová Diosmi Jobta nillarqantaq:
2 “¿Atinmanchu comunta rimaq runa tukuy atiyniyoqwan discutiyta?*+
Rimarichun Diosta anyayta munaq runa”,+ nispa.
3 Jinan Jobqa Jehová Diosta nirqan:
4 “Iman noqa kani,+
¿ima uyaywanmi imatapas niykiman?
Aswanpas ch’inllaña kasaq.+
5 Noqaqa ñan rimaniña, kunanqa manan rimasaqñachu,
manapuniñan imatapas nisaqñachu”, nispa.
6 Jinan Jehová Diosqa manchay wayra ukhumanta Jobta nimurqan:+
7 “Alistakuy, qhari jina sayay,
kunanmi noqa tapusayki, qantaq kutichiwanki.+
8 ¿Chanin kasqaytachu pisichayta munashanki?
¿Noqan chanin kani nispachu juchachayta munashawanki?+
9 ¿Noqa cheqaq Dios jina atiyniyoqchu kanki?+
¿Kunkay jinachu kunkaykipas t’ojan?+
10 Ama jinachu kay, atiyniyoq kanki chayqa rikuchiway atiyniykita,
kallpayoq kanki chayqa rikuchiway kallpaykita,
jatun kanki chayqa, respetanapaq jina kanki chayqa rikuchiway chayta.
11 Sinchi phiñakuyniykita kacharimuy,
uma oqariq runakunata k’umuchiy.
12 Llapa uma oqariqkunata qhawariy, k’umuchiy paykunata,
millay runakunatapas maypichus kasqankupi saruy.
13 Llapa paykunata pampaman p’amparuy,
mana piqpa rikusqanpi wataramuy.
14 Chaykunata ruwanki chayqa, noqa kikiymi nisayki:
Atinkin qan kikiykita salvakuyta, nispa.
16 ¡Qhawariy kallpasapa chakankunata,
qhawariy wijsantapas, may kallpasapan payqa!
17 Chupanpas cedro sach’a jinan chuchullaña,
chakanpi jank’unkunapas simp’asqa jinaraqmi.
18 Tullunkunapas cobremanta tubo jinan,
chakinkunapas fierro jinan.
19 Chhayna kamasqay animalkunamantaqa paymi ñaupaqpi kashan,
noqa kamaqnillanmi paytaqa espadantin asuykuspa wañuchiyta atiyman.
20 Mijunanqa orqo-orqokunapin wiñan,
salqa animalkunaq pujllasqan orqokunapin kashan.
21 Loto sach’a k’uchukunapin kumpayukun,
carrizoq* wiñasqan t’uru-t’urukunapin kumpayukun.
22 Loto sach’akunan paytaqa llanthuykun,
wayq’opi kaq álamo sach’akunan paytaqa muyuykun.
23 Mayuña askha jamun chaypas payqa manan mancharikunchu,
Jordán mayu+ unuña payman waqtakamun chaypas thajmi payqa kashan.
24 ¿Makilla kashaqtin pipas payta jap’iyta atinmanchu?
¿Pipas senqanmanta ganchowan jap’ichiyta atinmanchu?