Salmos
Asafpa takin.+
79 Diosniyku, nacionkunan herenciaykiman junt’aykurqanku,+
ch’uya temploykitan qhellichapurqanku,+
Jerusalentan rumi montonman tukuchipurqanku.+
2 Kamachiykikunaq cuerpontan phalaq animalkunaman qaraykapurqanku,
tukuy sonqowan serviqniykikunaq aychantan salqa animalkunaman qoykapurqanku.+
3 Paykunaq yawarnintan unuta jina Jerusalenpa muyuriqninman jich’arqanku,
manan pipas p’ampaqninku karqanchu.+
4 Wasimasiykuq asipayananmi, burlakunanmi kapuyku,+
muyuriqniykupi tiyaqkunan p’enqayman churaspa asipayawanku.
5 Jehová Diosniyku, ¿jayk’aqkaman phiñasqalla kanki? ¿Wiñaypaqchu?+
¿Jayk’aqkaman phiñakuyniyki raurarinqa?+
6 Phiñakuyniykitaqa qanta mana reqsiq nacionkunaman chayachiy,
phiñakuyniykitaqa sutiykita mana oqariq suyukunaman jich’aykuy.+
7 Jacobtan paykunaqa oqoykurqanku,
jallp’antapas ch’usaqyachirqankun.+
8 Amayá noqaykutachu pagachiwayku ñaupa taytaykuq juchanmantaqa.+
Usqhaylla khuyapayakuyniykita rikuchiwayku,+
sinchi k’umuchisqan, pisichasqan kashayku.
9 Libraq Diosniyku, jatun sutiykirayku yanapaykuwayku,+
sutiykirayku librawayku, juchaykutapas pampachaykuwayku.+
10 ¿Imaraykutaq nacionkunari ninkuman: “¡Maytaq Diosninkuri!”,+ nispa?
Ñawiykuq rikushasqan kamachiykikuna wañuchiqkunamanta vengakuy,+
llapa nacionkuna chayta yachachunku.
11 Presokunaq waqasqanta uyariy.+
Wañuypaq juchachasqakunata atiyniykiwan libray.+