2 Corintios
3 Noqaykuri, ¿yapamantachu qankunaman reqsichikunayku? ¿Necesitaykuchu noqaykumanta allin rimaq cartakunata, imaynan jujkuna necesitanku jinata? ¿Necesitaykuchu chhayna cartakunataraq qankunapas noqaykupaq qelqanaykichista? Manan. 2 Aswanpas qankunan noqaykuq reqsichikunayku cartaqa kankichis,+ sonqoykupi qelqasqa carta, llapa runaq reqsisqan leesqan carta. 3 Qankunaqa Cristoq cartanpunin kankichis, noqayku kamachikunaq+ qelqasqayku carta; ichaqa manan tintawan qelqasqachu, aswanpas kausaq Diospa espiritunwan qelqasqan; manan rumipi qelqasqachu, aswanpas aycha tablapi qelqasqan,+ arí, sonqopi qelqasqan.+
4 Cristoraykun noqaykuqa chaykunamanta mana iskayaykuchu Diospa ñaupanpi. 5 Noqaykuqa manan kikillaykumantachu preparasqa kashayku ima llank’aytapas aparinaykupaqqa, aswanpas Diosmi preparawanku.+ 6 Arí, paymi allinta preparawanku willaqkuna kanaykupaq, ichaqa manan qelqasqa kamachikuymanta willanaykupaqchu,+ aswanpas mosoq rimanakuymanta*+ espiritumantawan willanaykupaqmi; qelqasqa kamachikuyqa wañuypaqmi juchachan,+ espiritun ichaqa kausachin.+
7 Rumikunapi grabasqa+ wañuyman juchachaq kamachikuyqa ancha lliflli kaywanmi jamurqan, chaymi Israel runakunaqa mana Moisespa uyanta qhawaykuytapas atirqankuchu uyan sinchita k’anchasqanrayku,+ ichaqa chay k’anchayqa tukupunallanmi karqan. 8 Chhaynataq chayqa, ¿imaraykutaq espirituq+ ruwayninri mana aswan lliflli kaywanchu kanman?+ 9 Juchachaq kamachikuyqa+ lliflli kayniyoqtaq karqan chayqa,+ aswan jatun lliflli kayniyoqraqmi chanin kayman apaq llank’ayqa.+ 10 Kamachikuy simiq lliflli kayninqa manañan imapaschu kapun mosoq rimanakuypa lliflli kayninwan tupanachisqaqa.+ 11 Chinkapunanpaq kaqqa lliflli kaywantaq jamurqan chayqa,+ mosoq rimanakuyqa aswan jatun lliflli kayniyoqraqmi.+
12 Chhayna suyakuyniyoq kasqanchisraykun+ mana manchakuspa rimashanchispas. 13 Manataqmi Moisés jinachu ruwanchis, payqa uma qatananwanmi uyanta tapakuq,+ chhaynapi chinkapunan kaq kamachikuy simiq lliflli kayninta Israel runakuna ama qhawaykunankupaq, 14 ichaqa yuyayninkun tutayasqa kasharqan.+ Kunankamapas yuyayninkuqa uma qatanawan jinan tapasqallapuni kashan,+ chaymi manapuni chay ñaupa rimanakuy simitaqa entiendenkuchu; chay uma qatanataqa Cristollawanmi llat’akun.*+ 15 Sonqonkupas kunan p’unchaykaman tapasqallapuni kashan,+ chaymi mana Moisespa qelqasqankunata entiendenkuchu.+ 16 Pipas Jehová* Diosman kutirikuqtinmi ichaqa chay tapaq uma qatana llat’asqa* kapun.+ 17 Jehová* Diosqa espiritun;+ maypichus Jehová* Diospa espiritun kashan chaypiqa libren imapas.+ 18 Noqanchisqa manan uyanchis pakasqachu kashanchis, aswanmi espejo jina Jehová* Diospa lliflli kayninta k’ancharichishanchis, payqa espiritun.+ Chayta ruwashananchiskamataq Jehová* Diosqa cambiashawanchis payman rijch’akunanchispaq, chhaynapi lliflli kayninta aswan-aswanta k’ancharichinanchispaq.