Sofonías
3 ¡Ay imaraqmi kanqa mana kasukuq qhelli llaqtamanta!
¡Imaraqmi kanqa jujkunata sarunchaq llaqtamanta!+
2 Manan pitapas uyarirqanchu,+ manan ima anyaytapas* chaskikurqanchu.+
Manan Jehová Diospi confiarqanchu,+ manan Diosninman asuykurqanchu.+
3 Autoridadninkunaqa qapariq leonkuna jinan kanku,+
juezninkunaqa tutapi purispa jap’iq lobokuna* jinan kanku,
manan juj tullullatapas qhepantin p’unchay khaskanankupaq puchunkuchu.
4 Profetankunaqa mana p’enqarikuq traicionero runakunan kanku.+
Sacerdotenkunapas ch’uya kaqtan qhellichanku,+ kamachikuykunatan p’akinku.+
5 Jehová Diosqa chaninmi,+ llaqta runakuna ukhupin kashan,
manan imatapas mana allintaqa ruwanchu.
Imaynan sapa p’unchay illarimun, chhaynatan sapa tutamantan kamachikuyninkunata willan.+
Mana chanin runan ichaqa mana p’enqarikuyta yachanchu.+
6 Diosmi nin: “Nacionkunatan ch’usaqyachirqani, esquinakunapi torrenkunan thunisqa kapurqan,
manaña pipas purinanpaqmi callenkunata chinkachirqani.
Llaqtankunaqa lliumi thunisqa kashan, manan pipas chaypiqa tiyanñachu.+
7 Noqan llaqtata nirqani: Manchakuwankin, anyasqaytapas chaskikuwankin,+ nispa.
Chhaynapi imakunachus ruwasqanmanta cuentata mañaqtiy maychus tiyasqan ama thunisqa kananpaq.+
Paykunan ichaqa astawanraq mana allinkunata ruwayta munarqanku.+
8 Chhaynaqa pacienciawan suyakuwaychis,+
paykunata ch’utinaypaq jatarimunay p’unchaykama suyakuwaychis, ninmi Jehová Dios.
Noqaqa nacionkunata juñunaypaqmi, suyukunata juñunaypaqmi yuyaykuniña,
paykunamanmi k’araq phiñakuyniyta chayachisaq, paykunamanmi sinchi colerayta jich’aykusaq.+
Raurashaq phiñakuyniymi lliu kay pachata ruphaykunqa.+
9 Chaymantan noqaqa llaqtakunaq rimayninta juj ch’uya rimayman cambiasaq,
chhaynapi llapanku noqa Jehová Diospa sutiyta jatunchanankupaq,
10 Etiopía mayukuna ladomantapacha wajakamuwaqniykunan,
ch’eqechisqa runaykunan regalota apamuwanqa.+
11 Imataña noqa contra ruwarqanki chaypas,
manan chay p’unchayqa p’enqayman churasqachu kanki,+
chay p’unchaymi qan ukhumanta wijch’usaq umata oqarispa jatunchakuqkunata,
manañan jayk’aqpas ch’uya orqoypiqa jatunchakunkiñachu.+
12 K’umuykukuq, juch’uyaykukuq llaqtatan qan ukhupi saqesaq,+
paykunaqa noqa Jehová Diospa sutiypin pakakunqaku.
13 Israelmanta puchuqkunaqa+ manañan mana chanin kaqtaqa ruwanqakuñachu,+
manan jayk’aqpas llullakunqakuñachu, manan pitapas engañanqakuñachu.
Oveja jinan llakhi mijunqaku puñunqakupas, manan pipas paykunataqa manchachinqachu”,+ nispa.
14 ¡Sion llaqta, kusisqa qapariy!
¡Israel, atipaq jina qapariy!+
¡Jerusalén llaqta,+ q’ochukuy, tukuy sonqo kusikuy!
15 Jehová Diosqa qan contra juciokunatan chinkachipun.+
Enemigoykitapas qatipunñan.+
Israelpa reynin Jehová Diosqa qanwanmi kashan.+
Manañan ima llakitapas manchakunkiñachu.+
16 Chay p’unchaymi Jerusalenta nikunqa:
“Ama manchakuychu Sion,+
ama pisi kallpayaychu.
17 Noqa Jehová Diosniykiyqa qanwanmi kashani.+
Noqaqa atiyniyoqmi kani, noqan salvasayki.
Qanraykun anchata kusikusaq.+
Qanta munakusqayraykun ch’inlla kasaq.
Qanraykun q’ochukusaq, kusikuymantan qaparisaq.
18 Fiestaykikunaman mana jamusqankumanta llakisqa kaqkunatan juñumusaq,+
paykunaqa preso apasqan karupi kasharqanku, jujkunaq asipayasqanmi kasharqanku.+
19 ¡Qhawariy! Chay tiempopin ñak’arichiqniykikuna contra jatarisaq,+
wist’ukunatan salvasaq,+
ch’eqerichisqa kaqkunatan juñumusaq.+
Paykunaqa jatunchasqan kanqaku,
maypichus p’enqayman churasqa karqanku chaykunapin allin reqsisqaman tukuchisaq.
20 Chay tiempopin qankunata kutichimpusaykichis,
chay tiempopin juñumusaykichis.