Job
16 Jobmi khaynata nirqan:
2 “Maytañan qankunaqa chhaynata rimashankichis.
¡¿Chhaynatachu qankuna pitapas kallpachankichis?!+
3 ¿Jayk’aqllapas tukunqachu khayna yanqa rimasqaykichis?
Elifaz, ¿imaraykun chhaynata rimanki?
4 Noqapas qankuna jinaqa rimaymanmi.
Sichus noqa jina kashawaqchis chayqa,
noqapas qankuna jinaqa asipayaspa rimaymanmi,+
creenapaq jinaraqqa rimaymanmi.
5 Ichaqa manan chaytaqa ruwaymanchu,
aswanpas sumaq simikunawanmi kallpachaykichisman,
sumaqllata rimaspan sonqoykichista tiyaykachiyman.+
6 Rimaqtiyqa manan nanayniyqa thaninchu,+
mana rimaqtiypas, ¿pisiyanmanchu nanayniy?
7 Diosqa ñan pisipachiwanña,+
paymi wasiypi kaqkunata llapanta ch’usaqman tukuchipun.
8 Qanmi* jap’iwanki, chaytaq contraypi riman,
tullullaña kasqaypas noqa contran uyaypi riman.
9 Paypa phiñakuyninmi ñut’umanraq tukuchiwan,
payqa manan rikuytapas munawanchu,+
noqa contran kiruntaraq k’achachachin.
Enemigoypas qhawaykuspallaraqmi wañuchiwan.+
10 Noqa contran jatuntaraq siminkuta kicharinku,+
uyaypipas ch’aqlawankuman jinaraqmi noqa contra rimanku,
noqa contran askha juñukunku.+
11 Diosmi wayna runakunaq makinman entregawan,
millay runakunaq makinmanmi wijch’uykuwan.+
12 Noqaqa thajmi kasharqani,
paytaq khayna sinchi llakiman churaykuwan,+
much’uymanta jap’ispan ñit’irpariwan,
noqamankaman flechamushawan.
13 Flechaqninkunan muyuykuwan,+
payqa mana khuyapayaspan riñonniykunataraq flechawan pasarparichin,+
jayaqenniytapas pampamanraqmi jich’arparin.
14 Payqa perqakunata thunisparaqmi noqa contra jamun,
noqa contran maqanakuq jinaraq phawaykamuwan.
17 Makiyqa manan pitapas sufrichirqanchu,
Diosmanta mañakuspapas ch’uya sonqowanmi mañakuni.
18 ¡Jallp’a, ama yawarniyta pakaychu!+
¡Qaparisqaypas ama samanata tarichunchu!
19 Testigoyqa janaq pachapin kashan,
favorniypi rimaqqa wichaypin kashan.
21 Pipas chaninchawachun Diostawan noqatawan,
juiciopi kaq runakunata jina pipas chaninchawachunku.+