Job
11 Jinan Namá llaqtamanta Zofarqa+ khaynata nirqan:
2 “¿Jinallachu mana piqpa ima nisqan rimanki?
Icha, ¿chhaytukuyta rimasqaykiraykuchu, razonwanmi rimashan nisunkiku?
3 ¿Comunta rimasqaykiwanchu runakuna ch’inlla kanqaku?
¿Manachu pipas anyasunki chhaynata rimasqaykimanta?+
5 ¡May allinchá kanman Dios rimarinman chayqa!
¡May allinchá kanman rimasqaykiman kutichimunman chayqa!+
6 Paymi pakasqa yachachikuykunata sut’inchasunkiman,
cheqaq yachaytan entiendechisunkiman,
chay yachayqa sasa entiendenan,
chayraqmi allinta yachawaq imaynas Diosqa wakin juchakunata qonqapun chayta.
7 ¿Atiwaqchu Diospa yachaynin yachayta?
¿Atiwaqchu tukuy atiyniyoq Dios imaynapunis chayta entiendeyta?
8 Yachayqa cielomantapas aswan alton, ¿imatan qan ruwayta atiwaq?
Yachayqa Sepulturamantapas* aswan ukhun, ¿imatan qan chaykunamanta yachawaq?
9 Yachayqa kay jallp’amantapas aswan jatunmi,
yachayqa lamar-qochamantapas aswan anchon.
10 Diosqa pitapas juiciomanqa apallanmanmi,
¿pin imaninmanpas chay ruwasqanmanta?
11 Payqa allintan reqsin millay runakunataqa.
Ima mana allintapas rikuspaqa, ¿acaso pay jinatachu chayta qhawanqa?
12 T’oqo uma runakunaqa manan imatapas faciltaqa entiendenkumanchu,
paykunaqa salqa asnomanta runa naceqtinñan imatapas entiendenqaku.
13 ¡Allinchá kanman sonqoykita ch’uyanchawaq chayqa!
¡Allinchá kanman makiykita Diosman jaywariwaq chayqa!
14 Makiykikuna mana allinkunata ruwashan chayqa, karunchay chaykunamanta;
amapuni wasiykimanqa mana chanin ruwaykunataqa jaykuchiychu.
15 Allinkunata ruwaspaqa uma oqarisqan purinki,
mana manchakuspan qaqata sayanki.
16 Chhaynapin sasachakuyniykikunata qonqapunki,
yuyarispapas pasaruq unuta jinallan yuyarinki.
17 Kausayniykipas chaupi p’unchaymanta mastaraqmi k’anchanqa,
laqhayaqpi* jinaña kanki chaypas pacha illarimuy jinan chayqa k’anchanqa.
18 Suyakuyniyki kasqanraykun mana manchakuspa kausanki,
puñuspapas manan imamantapas llakikunkichu.
19 Puñuqtiykipas manan pipas manchachisunkichu,
askha runakunan qanwan allinpi kayta munanqaku.
20 Millay runakunaq ñawinmi ichaqa wisq’akapunqa,
paykunaqa manan maymanpas ayqekuyta atinqakuchu,
wañuyllañan paykunaq suyakuyninqa kanqa”,+ nispa.