Salmos
Davidpa takin.
101 Mana tukukuq munakuyniykimanta, chanin kasqaykimantawanmi takisaq.
Jehová Diosníy, qanmanmi jatunchay takikunata takimusayki.*
2 Allin yuyaywanmi imatapas ruwasaq,
ch’uyatan kausasaq.
Wasiy ukhupipas ch’uya sonqollapunin kasaq.+
¿Jayk’aqmi jamuwanki Diosníy?
3 Manan ima millay kaqtapas ñaupaymanqa churasaqchu.
Cheqnikunin allin ñanmanta t’aqakuqkunaq imachus ruwasqantaqa,+
manan noqaqa imatapas paykunawanqa ruwaymanchu.
4 Millay sonqoqa noqamanta karupin kashan;
manapunin chaskisaqchu* millay ruwaykunataqa.
5 Pakallapi runamasinta tumpaqtaqa ch’innichisaqmi.*+
Jatunchakuqtapas uma oqariqtapas manan jinataqa qhawasaqchu.
6 Jallp’a pachapi junt’aq sonqo kaqkunatan qhawarisaq,
paykunan noqawanqa tiyanqaku.
Mana juchachanata kausaqmi noqataqa serviwanqa.
7 Manan pi engañaqpas wasiypiqa tiyanqachu,
manan mayqen llullapas ñaupaypiqa kanqachu.
8 Sapa tutamantanmi jallp’a pachapi mana allin kausaqkunata ch’innichisaq,
chhaynatan Jehová Diospa llaqtanmanta mana allin ruwaqkunata tukuchisaq.+