Ezequiel

40 Apasqa kasqaykumanta iskay chunka pisqayoq watapin,+ wata qallariypi, ñaupaq kaq killa chunka kaq p’unchaypi Jerusalén thunisqa kasqanmanta chunka tawayoq wata pasaqtin+ Jehová Diospa atiyninqa* noqaman jamurqan, jinaspa juj llaqtaman apawarqan.+ 2 Juj rijuriypin payqa Israel jallp’aman apawarqan, chaypin juj jatun orqopi sayaykachiwarqan.+ Uray ladota qhawariqtiymi chaypi wasikuna kashasqa, llaqtaman rijch’akuqmi kasqa.

3 Chayman apawaqtinmi cobreman rijch’akuq runa chaypi kashasqa.+ Chay runan makinpi jap’ishasqa linomanta waskhata, medinapaq varaman rijch’akuq juj carrizotawan;*+ payqa punku jaykunapin sayashasqa. 4 Chay runan niwarqan: “Runaq churin, tukuy yuyaywan uyariway, allinta qhaway imachus rikuchisqayta, chaypaqmi kaymanqa apamusqa karqanki. Llapa rikusqaykitan Israel runakunaman willamunki”,+ nispa.

5 Templo* muyuriqpin kasqa juj perqa. Chay runaq jap’isqan medinapaq carrizoqa soqta codon kasqa (sapanka codon kasqa maki ancho sayaywan* yapasqa).* Paymi chay perqata mediyta qallarirqan, chay perqaq sayayninqa carrizo sayaymi kasqa, anchonpas carrizo sayaymi kallasqataq.

6 Chaymantan payqa inti lloqsimuy ladopi kaq punkuman* qayllaykurqan,+ jinaspa gradaskunata seqarqan. Chaypin punku jaykunata medirqan, chaypa anchonmi carrizo sayay kasqa; ukhu kaq punku jaykunaq anchonpas carrizo sayaymi kallasqataq. 7 Guardiakunaq cuartonpa largonpas carrizo sayaymi kasqa, anchonpas carrizo sayaymi kallasqataq. Juj cuartomanta juj cuartokamaqa pisqa codon kasqa.+ Cuarto jina punku jaykunaq anchonpas carrizo sayaymi kasqa.

8 Chaymantan payqa ukhuman jaykuq sala jina jatun cuarto punkuta medirqan, chaypas carrizo sayaymi kasqa. 9 Payqa chay jatun cuartotan medirqan, chayqa pusaq codon kasqa; punkuq ladonpi columnakunataq iskay codo kasqa. Chay sala jina jatun cuarto punkuqa ukhu ladoman uyayoqmi kasqa.

10 Chay inti lloqsimuy ladopi kaq punku jaykunapin guardiakunaq cuartonkuna kasqa, sapanka ladopin kinsa cuartokuna kasqa. Kinsantin cuartokunaqa kaq sayayllan kasqa, cuartokunaq ladonkunapitaq columnakuna kasqa, chaykunapas kaq sayayllan kasqa.

11 Chaymantan payqa jawamanta jaykuna punkuq wask’anta* medirqan, chayqa chunka codon kasqa; chaymantataq llapa wask’anta medirqan, chayqa chunka kinsayoq codon kasqa.

12 Guardiakunaq cuartonpa ñaupanpin kasqa juch’uy perqakuna, chay perqakunaqa chimpa-chimpan kasqa, sapankan medisqa juj codota. Guardiakunaq cuartonqa sapankan kasqa soqta codo.

13 Chaymantataq punkuq anchonta medirqan. Chaytaqa guardiakunaq cuarton patamanta, chimpanpi kaq cuartokuna patakaman medirqan, chayqa iskay chunka pisqayoq codon kasqa. Chay cuartokunaq punkunkunaqa chimpa-chimpan kasharqan.+ 14 Chaymantapas columnakunaq sayaynintan medirqan, chaykunaqa sapankan soqta chunka codo kasqa; patio muyuriqpi punkukunaq columnankunatan medillarqantaq, chaykunapas kaq sayayllataqmi kasqa. 15 Punku jaykunamanta ukhu ladoman jaykuna punkukamaqa pisqa chunka codon kasqa.

16 Chay punku ukhupiqa guardiakunaq cuartonkunapi columnankunapi iman kasqa ventanakuna, chay ventanakunaq marconkunaqa jatunmanta aswan juch’uymanmi kasqa.+ Ukhuman jaykuq jatun cuartoq punkunpipas sapanka ladopin kasqa ventanakuna. Sayashaq columnakunapitaq kasqa palmera sach’a dibujokuna.*+

17 Chaymantataq jawa patioman pusaykuwarqan, chaypin mijuna cuartokuna kasqa,+ chay patio muyuriq pampanqa rumiwan mast’asqan kasqa. Chay rumiwan mast’asqa patapin kinsa chunka mijuna cuartokuna kasqa. 18 Chay rumiwan mast’asqa patioqa punkukunaq ladonkunapin kashasqa, anchonqa punkuq largon sayaymi kasqa; chaymantapas chay jawa patioqa ukhu kaq patiomantaqa juj chhikan urapin kasqa.

19 Chaymantataq ukhuman jaykuna punkumanta ukhu kaq patiota muyuykuq perqankama medirqan, chayqa pachaj codon kasqa. Chay sayayllataqmi inti lloqsimuy ladomanpas wichay ladomanpas kasqa.

20 Jawa kaq patioqa wichay ladoman punkuyoqmi kallasqataq, jinan payqa chay punkuq anchonta largonta ima medirqan. 21 Chay punkupipas kallasqataqmi guardiakunaq cuartonqa, sapanka ladopin kinsa kasqa. Columnankunapas ukhuman jaykuna jatun sala jina cuarto punkupas ñaupaq kaq punkuq sayaynin jinan kasqa; largonmi kasqa pisqa chunka codo, anchontaq kasqa iskay chunka pisqayoq codo. 22 Ventanankunapas, ukhuman jaykuna jatun sala jina cuarto punkupas, palmera sach’a dibujokunapas+ inti lloqsimuy ladopi kaq punkuq sayaynin jinan kallasqataq. Runakunaqa qanchis gradaskunata seqaspan chayman chayaqku, chay ñaupanpin kasharqan jatun sala jina cuarto punku.

23 Ukhu kaq patiopin, wichay ladoman lloqsiq punkuq chimpanpi juj punku kallasqataq, inti lloqsimuy ladoman lloqsiq punkuq chimpanpipas kallasqataqmi juj punku. Jinan payqa chay punkumanta juj kaq punkukama medirqan, chayqa pachaj codon kasqa.

24 Chaymantataq uray ladoman apawarqan, chaypipas kallasqataqmi uray ladoman lloqsiq punku.+ Chaypi columnankunata ukhuman jaykuq jatun sala jina cuarto punkuta iman payqa medirqan, llapa chaykunaqa ñaupaq punkukuna sayayllataqmi kasqa. 25 Chay punkupipas jatun sala jina punkupipas sapanka ladopin kasqa juj punkukunapi jina ventanakuna. Chay punkuq largonmi kasqa pisqa chunka codo, anchontaq iskay chunka pisqayoq codo. 26 Chay punkuman chayanapaqqa qanchis gradaskunatan seqana kasqa,+ chay ñaupanpitaq kasqa jatun sala jina cuarto punku. Sapanka columnapitaqmi kasqa juj palmera sach’a dibujo.

27 Ukhu kaq patiopin juj punku uray ladoman qhawaq kallasqataq. Jinan payqa chay punkumanta juj kaq punkukama medirqan, chaypas pachaj codon kallasqataq. 28 Chaymantan payqa uray lado punkunta ukhu kaq patiokama apawarqan, chay punkutapas medillarqantaqmi, jinan chay punkupas wakin punkukuna sayayllataq kasqa. 29 Chaypi guardiakunaq cuartonpas, columnakunapas, jatun sala jina cuarto punkupas ñaupaq punkukuna sayayllataqmi kasqa. Chay punkupipas jatun sala jina cuarto punkupipas sapanka ladopin ventanakuna kasqa. Chay punkuq largonpas pisqa chunka codon kasqa, anchontaq iskay chunka pisqayoq codo kasqa.+ 30 Chay ukhu patio muyuriqpin jatun sala jina cuarto punkukuna kallasqataq, chaykunaq largonmi kasqa iskay chunka pisqayoq codo, anchonmantaq pisqa codo. 31 Jatun sala jina cuarto punkuqa jawa kaq patio ladomanmi kasqa, chaypi kaq columnakunapipas palmera sach’a dibujokunan kallasqataq;+ chayman chayanapaqqa pusaq gradaskunatan seqana kasqa.+

32 Chaymantan payqa inti lloqsimuy ladontañataq ukhu kaq patioman apaykuwarqan, chay punkutapas medillarqantaqmi, chaypas wakin punkukuna sayaymi kallasqataq. 33 Chaypi guardiakunaq cuartonpas, columnakunapas, jatun sala jina cuarto punkupas ñaupaq punkukuna sayayllataqmi kasqa. Chay punkupipas jatun sala jina cuarto punkupipas sapanka ladopin ventanakuna kasqa. Chay punkuq largonpas pisqa chunka codon kasqa, anchontaq iskay chunka pisqayoq codo kasqa. 34 Jatun sala jina cuarto punkuqa jawa kaq patio ladomanmi kasqa, chaypi kaq iskaynin columnakunapipas palmera sach’a dibujokunan kallasqataq; chayman chayanapaqqa pusaq gradaskunatan seqana kasqa.

35 Chaymantan payqa wichay lado punkumanñataq apawarqan,+ chay punkutapas medillarqantaqmi; chay punkupas juj punkukuna sayayllataqmi kasqa. 36 Guardiakunaq cuartonpas, columnakunapas, jatun sala jina cuarto punkupas wakin punkukuna jinan kallasqataq. Ventanakunapas sapanka ladopin kasqa. Chay punkuq largonpas pisqa chunka codon kasqa, anchonpas iskay chunka pisqayoq codon kallasqataq. 37 Columnankunaqa jawa kaq patio ladomanmi kasqa, iskaynin columnakunapitaqmi palmera sach’a dibujokuna kasqa; chayman chayanapaqqa pusaq gradaskunatan seqana kasqa.

38 Chay punku columnakuna qayllapin kasqa juj mijuna cuarto, chay cuartoqa punkuyoqmi kasqa. Chaypin maqchiq kasqaku ruphachina ofrendakunata.+

39 Jatun sala jina cuarto punku qayllapin kasqa iskay mesakuna. Chaypin ñak’aqku ruphachina ofrendata,+ jucha pampachay ofrendata,+ juchaman urmasqamanta ofrendatapas.+ 40 Wichay ladoman lloqsiq punkuman seqanapin kasqa iskay mesakuna. Jatun sala jina punku ladopipas iskay mesakunan kallasqataq. 41 Sapanka ladopin tawa mesakuna kasqa, llapanpiqa pusaq mesakunan karqan. Chaypin sacrificio jaywanapaq uywakunata ñak’aqku. 42 Chay tawantin mesakunaqa rumimanta ruwasqan kasqa. Sapanka mesaq largonmi kasqa juj codo kuskan, anchonpas juj codo kuskanmi kasqa, sayaynintaq juj codo kasqa. Chay patallamanmi saqeq kasqaku ruphachina ofrendapaq, sacrificio jaywanapaq uywakuna ñak’ananku cosaskunataqa. 43 Chay ukhu perqa muyuriqpin kasqa maki ancho sayay churanakuna; ofrenda jaywanapaq aychakunaqa mesa patapin kashasqa.

44 Chay punkuq jawaman uyanpa ladonpin kasqa takiqkunaq mijunan cuartokuna.+ Chay cuartokunaqa ukhu kaq patiopin kashasqa uray ladoman uyayoqkama; wichay ladoman lloqsiq punkuq ladonpin kashasqa. Inti lloqsimuy ladoman punkuq ladonpipas kallasqataqmi juj mijuna cuarto, chayqa wichay ladoman uyayoqmi kasqa.

45 Chaypin payqa niwarqan: “Kay uray ladoman qhawaq mijuna cuartoqa templopi serviq sacerdotekunapaqmi.+ 46 Kay wichay ladoman qhawaq mijuna cuartotaq altarpi serviq sacerdotekunapaq.+ Paykunaqa Sadocpa+ churinkunan kanku; Leví runakunamantaqa paykunan churasqa kashanku Jehová Diosman qayllaykunankupaq, payta servinankupaq”,+ nispa.

47 Chaymantataq payqa ukhu kaq patiota medirqan. Chay patioqa cuadradon kasqa, largonmi kasqa pachaj codo, anchonpas pachaj codon kallasqataq. Altartaq temploq ñaupanpi kashasqa.

48 Chaymantataq temploman jaykuna sala jina jatun punkuman apawarqan,+ jinaspa chaypi kaq columnakunata medirqan, juj ladonmi kasqa pisqa codo, juj ladonpas pisqa codon kallasqataq. Punkuq anchontaq kasqa kinsa codo, juj kaq ladonpas kinsa codon kallasqataq.

49 Temploman jaykuna sala jina jatun punkuq largonqa iskay chunka codon kasqa, anchontaq chunka jujniyoq* codo kasqa. Chayman chayanapaqqa gradaskunatan seqana kasqa. Sapanka columnakunaq ladonpin juj poste kasqa.+