Romanos
13 Autoridadkunaq atiyninqa Diosmantan jamun,+ chaymi autoridadkunataqa llapa runa kasukunan,+ Diosmi paykunataqa churan maypichus sapankapas kashanku chayman.+ 2 Chhaynaqa, pipas autoridadkunaq contranpi sayarin chayqa, Diospa churasqan contran sayarishan; Diospa churasqan contrapi sayariqkunaqa juchachasqan kanqaku. 3 Kamachikuqkunaqa manan allin kaqta ruwaqkunaq manchakunanpaqchu kanku, aswanpas mana allin kaqta ruwaqkunaq manchakunanpaqmi.+ Chayrayku, paykunata mana manchakuspa kausayta munanki chayqa, allin kaqta ruway,+ chayta ruwaqtiykin paykunaqa allinta qanmanta rimanqaku. 4 Paykunaqa qanpa allinniykipaqmi Diospa kamachinta ruwashanku. Mana allinta ruwashanki chayqa manchakushanaykin, manan yanqachu espadataqa jap’ishanku. Paykunaqa Dios serviqkunan kanku, mana allin ruwaqkunata castiganankupaqtaqmi churasqapas kashanku.
5 Chayraykun paykunataqa kasukunaykichispuni, ichaqa manan castigota manchakuspallachu, aswanpas concienciaykichisrayku iman.+ 6 Chaymi impuestotapas pagankichis; paykunaqa tukuy tiempon lliu runata servishanku, chhaynapin Diosta serviqkuna kanku. 7 Lliuman qoychis imachus qonaykichis kaqta: impuesto mañakuqman impuestota,+ pagota mañakuqman pagota, jinallataq manchakunata munaqtapas manchakuychis,+ respetanata munaqtapas respetaychis.+
8 Aman pimanpas manuqa kankichischu, aswanpas jujkunaman munakuyniykichista rikuchiylla manuykichisqa kachun;+ runamasinta munakuqqa ñan junt’anña kamachikuy simita.+ 9 Chay kamachikuypin nin: “Aman jujwan pantankichu,+ aman pitapas wañuchinkichu,+ aman suwakunkichu,+ aman jujpa kaqninta munapayankichu”,+ nispa. Chay kamachikuykuna wakin kamachikuykunapas jujllamanmi juñukun, “runamasiykitan qan kikiykita jina munakunki”+ nisqa kamachikuyman. 10 Pipas munakuqqa manan ima mana allintapas runamasintaqa ruwanchu.+ Munakuqqa allintan kamachikuy simita junt’ashan.+
11 Chay nisqaykunatan ruwanallaykichistaq rijch’arinaykichis tiempoña kasqanrayku,+ kunanqa iñiqman tukupusqanchis tiempomantapas aswan cercapiñan kashan salvasqa kananchisqa. 12 Tutaqa ñan tukupushanña, ñataqmi p’unchayamunqaña, chayrayku tutayaqpi ruwaykunata ch’utikuspa wijch’upusun,+ Diosmanta jamuq armakunawantaq* churakusun.+ 13 P’unchaypi jina allintapuni purisun,+ ama millay fiestakunapichu ni machaypichu, ama qhelli ruwaypichu ni mana p’enqarikuspa jucha* ruwaypichu,+ ama maqanakuypichu ni envidianakuypichu.+ 14 Aswanpas Señor Jesucristowan p’achawan jina churakuychis,+ amataq piensaychischu aychaq munaynin ruwaykunapiqa.+