Zacarías

3 Chaymantataq rikuchiwarqan uma sacerdote Josueta,+ payqa Jehová Diospa angelninpa ñaupanpin sayashasqa, Josuepa paña ladonpitaq Satanás sayashasqa+ pay contra churakunanpaq. 2 Jinan Jehová Diospa angelninqa Satanasta nirqan: “¡Yau Satanás, Jehová Diosmi phiñarikusunki!+ ¡Arí, Jerusalén llaqtata ajllakuq+ Jehová Diosmi anyasunki! ¿Manachu Josueqa ninamanta orqosqa llant’a jina?”, nispa.

3 Josueqa qhelli p’achantinmi angelpa ñaupanpi sayashasqa. 4 Jinan angelqa Josuepa ñaupanpi sayashaq runakunata nirqan: “Qhelli p’achanta ch’utiychis”, nispa. Josuetataq nirqan: “Qhawariy, juchaykitan pichapuni, kunanqa allin p’achawan p’achachisqan kanki”,+ nispa.

5 Noqataq nirqani: “Limpio uma k’uyunawan umanta k’uyuychis”,+ nispa. Jinan limpio uma k’uyunawan umanta k’uyurqanku, mosoq p’achawantaq p’achachirqanku. Jehová Diospa angelninqa chay qayllapin sayasharqan. 6 Chaymantataq Jehová Diospa angelninqa Josueta nirqan: 7 “Ejercitokunata kamachiq Jehová Diosmi nin: Sichus ñanniykunapi purinki, kamachisqaykunatapas llapanta junt’anki chayqa, wasiypin juez kanki,+ wasiypa pationtapas cuidankin. Kaypi sayashaqkuna jinataqmi asuykamuwaytapas atinki.

8 ”Uma sacerdote Josué uyariway, qanwan kuska tiyaq sacerdotekunapas uyariwachunku, paykunaqa señal jinan kanku. ¡Qhawariychis, Ch’ijchi sutiyoq+ kamachiytan pusamusaq!+ 9 ¡Qhawariychis Josuepa ñaupanpi churasqay rumita! Chay sapallan rumipin qanchis ñawikuna kashan.* Chay rumipin qelqasaq, juj p’unchayllapitaqmi chay suyuq juchanta chinkachipusaq,+ nispan nin ejercitokunata kamachiq Jehová Dios.

10 ”Ejercitokunata kamachiq Jehová Diosmi nin: Chay p’unchayqa sapankaykichismi wasimasiykichista wajarinkichis higos sach’aykichis k’uchupi, uvas sach’aykichis k’uchupi tiyarikunaykichispaq,+ nispa”.