Job
24 ”¿Imaraykun tukuy atiyniyoq mana juj p’unchayta churanchu?+
¿Imaraykun payta reqsiqkuna mana paypa p’unchayninta rikunkuchu?
2 Runakunan chajraq linderonta* suchuchishanku,+
ovejakunata suwakuspan michinanku pastoman apashanku.
3 Mana taytayoqkunaq asnontan apakapunku,
viudakunaq torontan prendapi apakapunku.+
4 Wajchakunatan purikushaqtinku ñanmanta qarqonku,
mana piniyoq runakunapas paka-pakallapin purinku.+
5 Ch’inneqpi salqa asno jinan+ wajchakunaqa mijunata maskhaq lloqsinku,
ch’inneqpin paykunaqa wawankupaq mijunata maskhanku.
6 Juj runakunaq chajranpin llank’apakunku,
millay runakunaq uvas chajranpin pallapakunku.*
7 Mana p’achallayoqmi paykunaqa illarinku,+
mana imawan qataykukuspan chirita pasanku.
8 Orqokunapin paykunataqa para apiyan, joq’on.
Mana mayman riyta atispan qaqa k’uchukunapi pakakunku.
10 Mana p’achayoqtan q’alallata purichinku,
mana mijusqamanmi trigota q’epichinku.
11 Rumi perqa k’uchukunapin ruphaypi ch’isiyaqta llank’anku,
uvastaña sarushaspapas ch’akiymantan kanku.+
12 Wañunayaqkunan llaqta ukhupi khuyayta waqashanku,
sinchi k’irisqakunan yanapayta mañakushanku;+
Diosmi ichaqa paykunata jinallata qhawashan.
13 Wakin runakunaqa cheqnikunkun k’anchayta,+
manataqmi ñannintaqa reqsinkuchu,
manan maychus purinantapas purinkuchu.
14 Runa wañuchiqqa tutallamantan jatarin,
mana piniyoqta, wajchata iman wañuchin,+
tutataq suwakuq purin.
15 Warminta jujwan engañaq runaqa* tutatan ima jinallaña suyakun,+
manan pipas rikuwanqachu+ nispan uyanta pakakun.
16 Suwakunaqa tutan wasikunata jaykunku,
p’unchaytaq wisq’akamunku,
manan p’unchaypi kaytaqa munankuchu.+
17 Paykunapaqqa p’unchayqa tutan,
paykunaqa laqhayaqman* yachasqan kanku.
18 Ichaqa unun paykunata apapunqa,
jallp’ankupas ñakasqan kapunqa.+
Manañan uvas chajrankumanpas kutinqakuchu.
19 Imaynan ch’aki tiempopas ruphaypas rit’ita apapun,
20 Mamankupas paykunataqa qonqapunqan,
kurukunan paykunataqa misk’itaraq mijupunqa.
Manañan jayk’aqpas yuyarisqañachu kanqaku.+
Mana chanin kayqa sach’a jinan kumpasqa kanqa.
21 Mana wachakuq warmitan ñak’arichinku,
viudatan khuyayta sufrichinku.
22 Diosmi tukuchinqa atiyniyoq runakunata,
jatariytaña munanqaku chaypas manan atinqakuchu,
manan paykunamantachu kausanankupas wañunankupas.
23 Paykunaqa mana llakikuspan tiyashanku, Diosqa jinallatan chayta qhawashan,+
ichaqa rikushanmi tukuy ima ruwasqankutapas.+
24 Paykunataqa pisi tiempollan jatunchanku, chaymantan ichaqa chinkapunku,+
jujkuna jinan pisichasqa kapunku,+
trigo jinan rutusqa kapunku.
25 Mana chhaynachu chayqa,
¿pin niwanman llullakushankin nispa,
manan chhaynachu nispa?”.