Oseas
6 Oseasmi nin:* “Jaku Jehová Diosman kutirikusunchis,
llik’irpariwarqanchisña chaypas+ qhaliyachiwasunmi,
k’iriwarqanchisña chaypas k’irinchistan wataykuwasunchis.
2 Iskay p’unchaymantan payqa kausarichiwasunchis,
kinsa kaq p’unchaypitaq sayarichiwasun,
jinan paypa ñaupanpi tiyasun.
3 Jehová Diosta reqsisun, payta reqsinanchispaq kallpachakusun.
Imaynan intipas sapa tutamantan lloqsimunpuni, chhaynatan paypas jamuwasunpuni.
Fuerte chayamuq para jinan jamunqa,
poqoy tiempopi para jinan chayamunqa”, nispa.
4 Diosmi nin: “¿Imatan qanwan ruwasaq, Efraín?
¿Imatan qanwan ruwasaq, Judá?
Mana tukukuq munakuyniykiqa* pacha illarimuy phuyu jinallan,
munakuyniykiqa tutamanta chinkaripuq sulla* jinallan.
Qankuna contra juiciokunaqa inti jinaraqmi k’anchanqa.+
6 Noqataqa mana tukukuq munakuymi kusichiwan, manan sacrificiokunachu.
Noqamanta yachasqaykichismi kusichiwan, manan ruphachina ofrendakunachu.+
7 Paykunaqa runalla kashaspapas rimanakusqaytan p’akirqanku.+
Chayta ruwaspan traicionawarqanku.
8 Galaad llaqta runakunaqa mana allinkunallatan ruwanku.+
Chay llaqtaqa yawarwan qhellichasqan kashan.+
9 Sacerdotekunapas suwakuna jinan makilla runakunata qhawashanku.
Paykunaqa ñanpin Shejen llaqta qayllapi runakunata wañuchinku.+
Paykunaqa p’enqay ruwaykunatan ruwanku.
10 Israelpin millay ruwaykunata rikuni.
Efrainqa ramera warmi jinan purishan.*+
Israelqa qhellichakapunmi.+
11 Judá, ñan tiempo chayamunqaña, cosecha tiempopi jinan juñusqa kanki.
Llaqtaymanta preso apasqa runakunatan juñumusaq”,+ nispa.