Salmos

144 Jatunchasqa kachun pakakunay qaqa Jehová Diosqa;+

paymi makiyta maqanakuypaq yachachin,

paymi dedoykunata guerrapaq preparan.+

 2 Paymi mana tukukuq munakuyta rikuchiwaqniypas pakakunay perqapas,

paymi mana piqpa tarinan pakakunaypas libraqniypas,

paymi jark’aykuwaqniy escudopas p’istuykuwaqniypas,+

paymi llaqtakunata noqaman k’umuchimuqpas.+

 4 Runaqa juj chhikan samay jinallan;+

p’unchayninkunaqa chinkaripuq llanthu jinallan.+

 5 Jehová Diosníy, cielota k’umuykachimuy, uraykamuy;+

orqokunata tupaykuy q’osñirinanpaq.+

 6 Llifllikichimuy, chaywan enemigokunata ch’eqerichiy,+

flechakunata kacharimuy, paykunata q’aqchay.*+

 7 Wichaymantapacha makiykita jaywarimuy,

libraway, manchay unukunamanta orqoway,

waj llaqtayoq runakunaq makinmanta kacharichiway,+

 8 paykunaq siminqa yanqa rimaykunatan riman,

paña makinkuta oqarispan llullakuspa juranku.

 9 Diosnilláy, mosoq takitan takipusayki,+

jatunchay takikunatan takipusayki,*

chunka cuerdayoq tocanawan compañachikuspan takipusayki.

10 Qanmi reykunata atipachiq* kanki,+

qanmi kamachiyki Davidta wañuchiq espadamanta libranki.+

11 Waj llaqtayoq runakunaq makinmanta kacharichiway,

paykunaq siminqa yanqa rimaykunatan riman,

paña makinkuta oqarispan llullakuspa juranku.

12 Chhaynapin churiykuqa usqhaylla wiñaq munay planta jinan kanqaku,

ususiykupas palaciopi sumaq thupasqa columnakuna jinan kanqaku.

13 Mijuy waqaychana wasiykun imaymana mijuykunawan junt’a kanqa,

ovejaykupas askhan kanqa, waranqa-waranqanpin miranqa.

14 Chichu wakaykutapas manan imapas pasanqachu ni sullunqapaschu,

llaqtayku plazakunapipas manan ima llakikuypas ni waqaypas kanqachu.