Salmos
Takiqkunata pusariqpaq. Seminij* nisqaman jina afinasqa cuerdayoq tocanakunawan yanapachikunapaq. Davidpa takin.
6 Diosníy Jehová, ama phiñasqa kashaspaqa anyawaychu,
ama renegasqa kashaspaqa yuyaychawaychu.+
2 Diosnilláy Jehová, khuyapayaykuway, kallpaymi pisiyashan.
Jehová Diosníy, kallpachaykuway,+ tulluykunan khatatatashan.*
3 Arí, may llakisqan kashani;+
Jehová Diosníy, tapurikusayki:
¿Jayk’aqkaman kaykuna chhayna kanqa?+
5 Wañusqakunaqa manan qanmanta rimayta atinkumanchu.
¿Pin Sepulturapi* qanta jatunchasunkiman?+
6 Llakikusqaypin manaña kallpaypas kanñachu;+
tutantin waqasqaypin puñunaypas joq’ollaña kashan,*
weqeywanmi qatanaypas apillaña kashan.+
7 Llakikuyniypin ñawiypas sayk’usqallaña kashan,+
noqa contra jatarisqanku jawan ñawiyqa arphallaña kashan.
8 Noqamanta karunchakuychis mana allin ruwaqkuna,
Jehová Diosqa uyariwanqan khayna waqasqaytaqa.+
9 Jehová Diosqa uyariwanqan rogakusqaytaqa,+
Jehová Diosqa chaskiwanqan mañakusqaytaqa.
10 Cheqniwaqniykunaqa p’enqaypin tarikunqaku,
sinchi mancharisqan paykunaqa kanqaku,
qonqayllan sinchi p’enqasqa qhepaman kutirinqaku.+