1 Crónicas

26 Punku qhawaqkunan+ kaykuna karqanku. Corepa mirayninmantan karqan Corepa churin Meselemías,+ payqa Asafpa mirayninmantan karqan. 2 Meselemiaspa phiwi* churinmi karqan Zacarías, iskay kaqtaq karqan Jediael, kinsa kaqtaq karqan Zebadías, tawa kaqtaq karqan Jajniel, 3 pisqa kaqtaq karqan Elam, soqta kaqtaq karqan Jehoanán, qanchis kaqtaq karqan Elio-Enái. 4 Obed-Edompa churinkunataq kaykuna karqan: phiwi churinmi karqan Semaya, iskay kaqtaq karqan Jehozabaj, kinsa kaqtaq karqan Joá, tawa kaqtaq karqan Sacar, pisqa kaqtaq karqan Netanel, 5 soqta kaqtaq karqan Amiel, qanchis kaqtaq karqan Isacar, pusaq kaqtaq karqan Peuletái. Chhaynatan Diosqa Obed-Edomta bendecirqan.

6 Obed-Edompa churin Semayaqa wawakunayoqmi karqan, chay wawankunaqa allin kallpasapa allin llank’aq runakunan karqanku, chaymi paykunaqa familiankupi umallikuna karqanku. 7 Semayaq churinkunan kaykuna karqan: Ojní, Refael, Obed, Elzabajpiwan. Elzabajpa wayqenkunataq karqan Elihuwan Semakiaspiwan, paykunapas allin llank’aq runakunan karqanku. 8 Tukuy chaykunan Obed-Edompa familian karqanku, llapankupiqa soqta chunka iskayniyoqmi karqanku. Obed-Edompa churinkunapas wayqenkunapas Diosta servinankupaq jina allin llank’aq runakunan karqanku. 9 Meselemiaspan+ karqan wayqenkuna churinkuna ima, llapankupiqa chunka pusaqniyoq allin llank’aq runakunan karqanku. 10 Meraripa mirayninmantan karqan Josá. Josapa churinkunataq karqan: umalli Sinrí, (payqa manan phiwi churichu karqan, chaywanpas papanmi umalli kananpaq churarqan), 11 iskay kaq churintaq karqan Hilquías, kinsa kaqtaq karqan Tebalías, tawa kaqtaq karqan Zacarías. Josapa churinkunawan wayqenkunawanqa chunka kinsayoqmi karqanku.

12 Chay punku qhawaq umallikunaqa wakin wayqenkuna jinan Jehová Diospa wasinpi llank’arqanku. 13 Chaymantataq paykunata sorteopi ajllarqanku+ punkuta qhawanankupaq. Askhaña pisiña familianku kaq chaypas igualtan sorteopi ajllarqanku. 14 Inti lloqsimuy ladon Selemiasman tuparqan. Churin Zacariasmantaq wichay lado tuparqan, Zacariasqa allin yuyaywan yuyaychaq runan karqan. 15 Obed-Edommantaq uray lado tuparqan. Churinkunatataq+ churarqanku mijuy waqaychana wasikunata cuidanankupaq. 16 Sufinman Josaman+ imataq inti jaykuy lado tuparqan. Chayqa kasharqan Salékej Punku nisqaq ladonpin, chayllapitaqmi kasharqan wichayman riq jatun ñanpas, chay ladopin guardiakunapas chimpapura filapi sayaqku. 17 Sapa p’unchaymi chaypi sayaqku Leví runakuna; inti lloqsimuy ladopin kaqku soqta, wichay ladopitaq tawa, uray ladopipas tawan kallaqkutaq. Mijuy waqaychana wasikunapitaq+ kaqku iskay juj ladopi, iskaytaq juj kaq ladopi. 18 Inti jaykuy lado punkupitaq* kaqku tawa, chay punku qayllapitaq iskay Leví runakuna kaqku. Chay punkuqa wichayman riq jatun ñanpa+ ladonpin kasharqan. 19 Chhayna t’aqasqan karqanku Corepa mirayninmanta Meraripa mirayninmanta punku qhawaq runakunaqa.

20 Wakin Leví runakunataq kaykunamanta encargakurqanku: Aiyan encargakurqan Diospa wasinpi kaq valorniyoq cosaskunata waqaychana cuartomanta, Diospaq ch’uyanchasqa* cosaskunata+ waqaychana cuartomanta ima. 21 Ladanpa mirayninpi kaq umallikunamantan karqan Jeyelí,+ Ladanqa Guersonpa mirayninmantan karqan. 22 Jeyelimi churin Zetanwan churin Joelpiwan encargakurqanku Jehová Diospa wasinpi kaq valorniyoq cosaskunata waqaychana cuartomanta.+ 23 Amram runakunamanta kaqkuna, Izar runakunamanta kaqkuna, Hebrón runakunamanta kaqkuna, Uziel runakunamanta+ kaqkunataq kaykunamanta encargakurqanku: 24 Umalli Sebuelmi encargakurqan mijuy waqaychana cuartokunamanta, payqa Guersompa churinmi karqan, Guersomtaq karqan Moisespa churin. 25 Sebuelpa familiankunan karqan: Reabías,+ Jesayá, Joran, Zicrí, Selomojpiwan. Paykunaqa Eliezerpa+ mirayninkunan karqanku. 26 Selomojmi wayqenkunapiwan encargakurqanku Diospaq ch’uyanchasqa cosaskunata+ waqaychana cuartomanta. Chaykunatan ch’uyancharqan: rey David,+ familiakunapi umallikuna,+ waranqa runakunaq umallinkuna, pachaj runakunaq umallinkuna, soldadokunaq umallinkuna ima. 27 Paykunan guerrapi atipamuspanku imaymanata apamuqku, chay apamusqankumantan wakinta+ ch’uyancharqanku+ Jehová Diospa wasinta allichanankupaq. 28 Chaymantapas Selomojmi* wayqenkunapiwan encargakurqanku rijuriykunata rikuq Samuelpa+ ch’uyanchasqan cosaskunamanta, Quispa churin Saulpa ch’uyanchasqanmanta, Nerpa churin Abnerpa+ ch’uyanchasqanmanta, Zeruyapa+ churin Joabpa+ ch’uyanchasqanmantawan. Tukuy imataña Diospaq ch’uyanchaqku chaypas, Selomojmanmi wayqenkunamanwan qoqku cuidanankupaq.

29 Izar runakunamanta+ Kenaniastaq churinkunapiwan Israelpi umallikuna juezkuna ima karqanku,+ paykunaqa manan Diospa wasinpichu llank’arqanku.

30 Hebrón runakunamanta+ Asabiastaq wayqenkunapiwan karqanku waranqa qanchis pachaj allin llank’aq runakuna. Paykunan encargasqa karqanku Jordán mayuq inti jaykuy ladonpi tiyaq Israel runakunaq ruwasqanmanta. Paykunan qhawariqku Jehová Diospaqpas reypaqpas tukuy imaymana ruwakusqanta. 31 Hebrón runakunaq mirayninpi kaq familiakunapiqa Jeriyan+ umalli karqan. Rey David tawa chunka wataña kamachikushaqtinmi+ Hebrón runakuna ukhupi maskharqanku allin kallpasapa allin llank’aq runakunata, jinan chhayna runakunata tarirqanku Galaad jallp’api kaq Jazer+ llaqtapi. 32 Jeriyaq wayqenkunaqa iskay waranqa qanchis pachaj runakunan karqanku, paykunan karqanku familiankupi umallikuna allin llank’aq runakuna ima. Paykunatan rey Davidqa nirqan Rubén ayllu runakunata, Gad ayllu runakunata, kuskan Manasés ayllu runakunatawan umallinankupaq. Paykunan chay ladopi qhawariqku Diospaqpas reypaqpas tukuy imaymana ruwakusqanta.