Salmos

61 Diosníy, qaparisqayta uyarimuway,

mañakusqayta uyariykamuway.+

 2 Sonqoy may llakisqa kashaqtinmi yanapayniykita mañakamusayki,

jallp’aq k’uchunmantaraqmi yanapawanaykipaq wajakamusayki.+

 3 Qanmi pakakunayqa kanki,

enemigoymanta pakawaq torren kanki.+

 4 Karpaykipin wiñaypaq tiyasaq,*+

rafraykiq llanthunpin pakakusaq.+ (Séla).

 5 Diosníy, qanqa promesakuna ruwasqaytan uyarirqanki,

sutiykita manchakuqkunaq herenciantan qowarqanki.+

 6 Reypa kausasqan p’unchaykunatan yapanki,+

paypa kausasqan watakunaqa mana tukukuqmi kanqa.

 7 Payqa trononpin Diospa ñaupanpi wiñaypaq tiyanqa,+

payman mana tukukuq munakuyniykita, junt’aq kayniykitawan qoykuy,

chaykunan paytaqa pakaykunqa.+

 8 Jinan noqaqa sutiykimanta wiñaypaq takisaq,+

takispan promesa ruwasqayta sapa p’unchay junt’asaq.+