2 Crónicas
23 Qanchis kaq watapin Jehoiadaqa kallpachakurqan, jinan pachaj soldadokunaq umallinkunawan acuerdota ruwarqan.+ Chay umallikunan karqanku: Jerohampa churin Azarías, Jehoananpa churin Ismael, Obedpa churin Azarías, Adayaq churin Maseya, Zicripa churin Elisafajpiwan. 2 Chaymantataq Judá ayllupi kaq llapa llaqtakunaman rispa juñumurqanku Leví runakunata,+ jinallataq familiakunapi umallikunatawan. Jerusalén llaqtaman kutimpuqtinkutaq 3 llapa runakuna Diospa wasinpi reywan acuerdota ruwarqanku.+ Chay qhepamantaq Jehoiadaqa paykunata nirqan:
“Kaymi reypa churin, payqa Davidpa mirayninmantan, chaymi pay kamachikunqa. Jehová Diosmi Davidman prometerqan mirayninmanta runakunallapuni kamachikunanta.+ 4 Chayraykun khaynata ruwankichis: Samana p’unchaypi llank’aq sacerdotekunata Leví runakunatan kinsaman t’aqankichis.+ Juj t’aqan punkuta qhawanqa,+ 5 iskay kaq t’aqataq reypa wasinpi* kanqa,+ kinsa kaq t’aqataq Cimentación Punku nisqapi kanqa. Llapa runakunataq Jehová Diospa wasinpa pationpi kanqaku.+ 6 Jehová Diospa wasinmanqa Diosta serviq sacerdotekunallan Leví runakunallan jaykunqaku, aman jujkunataqa jaykuchinkichischu.+ Sacerdotekunawan Leví runakunawanqa ch’uya runa kasqankuraykun Diospa wasinman jaykunqaku, wakin runakunataq Jehová Diospaq kamachisqanman jina jawallapi qhepakunqaku. 7 Leví runakunaqa armantinkaman tukuy ladomanta reyta cuidanqaku, maymanña rey rinqa chaypas paywan kuskan rinqaku, pipas wasiman jaykumunqa chayqa wañuchinkichismi”, nispa.
8 Jinan Leví runakunapas llapa Judá ayllu runakunapas sacerdote Jehoiadapa nisqanman jina lliuta ruwarqanku. Sapanka umallin runankunata wajachirqan samana p’unchaypi llank’aqkunatapas chay p’unchaypi mana llank’aqkunatapas.+ Chay runakunataqa sacerdote Jehoiadami kamachirqan maypichus llank’anankupi llank’ashanallankupaq.+ 9 Chaymantataq sacerdote Jehoiadaqa pachaj soldadokunaq umallinkunaman+ qorqan rey Davidpa lanzankunata, jark’apakuna juch’uy escudonkunata,* muyu escudonkunata ima.+ Chaykunaqa Diospa wasinpin waqaychasqa kasharqan.+ 10 Chaymantapas Jehoiadaqa chay runakunatan llapanta armantintakama maypichus kanankuman churarqan. Chay runakunaqa wasiq ñaupanpin sayasharqanku paña ladomanta lloq’e ladokama, wakintaq sayasharqanku altarpa qayllanpi, wakintaq wasiq qayllanpi. Chhaynapin reyta tukuy ladomanta cuidasharqanku. 11 Jinan reypa churinta jawaman pusamurqanku,+ jinaspa umanman juj coronata churaykurqanku, Diospa kamachikuynin qelqatataq qorqanku.*+ Chaymantataq Jehoiadaqa churinkunapiwan aceitewan jich’aykuspa reyta churarqanku, jinan llapanku nirqanku: “¡Kausachun rey!”,+ nispa.
12 Ataliataq runakunaq phawashasqanta uyarispa reyta jatunchashasqankuta uyarispa ima Jehová Diospa wasinta rirqan imachus pasashasqanta yachananpaq.+ 13 Chaypin reyta rikurqan wasiq punkunpi kaq columna qayllapi sayashaqta. Umallikunapas+ reywan kuskan kashasqaku, trompeta tocaqkunapas trompetatan tocashasqaku, llapa runakunan ancha kusisqa kashasqaku.+ Takiqkunaq umallinkunapas kusisqan tocanankuta tocashasqaku. Chayta rikuspa jinan Ataliaqa p’achanta llik’ikuspa qaparirqan: “¡Reina contran sayarishanku! ¡Reina contran sayarishanku!”, nispa. 14 Sacerdote Jehoiadami ichaqa pachaj soldadokunaq umallinkunata wajachirqan, jinaspa nirqan: “¡Orqoychis kay warmita! ¡Pipas payta qatikuqtapas wañuchiychis!”, nispa. Sacerdote Jehoiadaqa ñan nisqaña: “Aman Jehová Diospa wasinpiqa wañuchinkichischu”, nispa. 15 Jinan paykunaqa Ataliata jap’ispa chaymanta orqorqanku, jinaspa reypa wasinman jaykunapi kaq Caballo Punku nisqapi wañuchipurqanku.
16 Chaymantataq Jehoiadaqa llaqta runakunawan reywan ima juj acuerdota ruwarqanku, chaypin paykunaqa prometekurqanku Jehová Diospa llaqtallanpuni kashanankupaq.+ 17 Chaykuna qhepamantaq runakunaqa llapanku Baalpa templonman rirqanku, jinaspa altarkunata thunirqanku idolokunatapas lliutan p’akirqanku.+ Baalpa sacerdoten Matantapas altarpa ñaupanpin wañuchipurqanku.+ 18 Chaymantataq Jehoiadaqa sacerdotekunata Leví runakunatawan kamachirqan Jehová Diospa wasinpi llank’ashanallankupaq. Paykunatan nirqan Davidpa kamachisqanman jina Jehová Diospa wasinpi ruphachina sacrificiota jaywaspa llank’ashanallankupaq.+ Jehová Diospa wasinpi llank’aq sacerdotekunaqa Moisespa kamachikusqanman jinan sacrificiota jaywananku karqan,+ Davidpa kamachikusqanman jinataqmi kusisqa takispa chaykunata jaywananku karqan. 19 Chaymantapas Jehoiadaqa Jehová Diospa wasinpa punkunpin churarqan punku qhawaqkunata,+ chhaynapi pi runapas qhelli kashaqtinqa ama jaykunanpaq. 20 Chaymantataq juñurqan pachaj soldadokunaq umallinkunata,+ autoridadkunata, llaqtapi kamachikuqkunata, Judá ayllupi llapa runakunatawan. Chhaynapi Jehová Diospa wasinmanta reypa wasinkama reyta riysinankupaq. Reypa wasinman chayaspataq Jehoastaqa trononpi tiyaykachirqanku.+ Reypa wasinmanqa Pata Punku nisqantan pasarqanku. 21 Ataliatan espadawan wañuchipurqanku, chaymi llapa runakunaqa ancha kusisqa thaj kasharqanku.