Salmos
78 Llaqtalláy, kamachisqayta, yachachisqayta uyarikuy,
simiypa rimasqankunata tukuy yuyaywan uyariy.
2 Simiytan kicharisaq, yachaywan rimaykunatan* rimasaq.
Unay watakunaña pakasqa kaqkunamantan rimasaq.+
3 Imakunachus uyarisqaykutaqa,
ñaupa taytaykuq willawasqankutaqa,+
4 manan pakasaqkuchu paykunaq churinkunamantaqa,
llapa qhepa wiñaykunamanmi chaykunata willasaqku.+
Jatunchanapaq jina Jehová Diospa ruwasqankunatan willasaqku,+
musphanapaq ruwasqankunatan llapanta willasaqku.+
5 Payqa kamachikuytan* Jacobpi churarqan,
kamachikuy simitan Israelpi jatarichirqan;
ñaupa taytanchiskunatan imachus ruwanankupaq kamachirqan,
wawankunaman chaykunata yachachinankupaqmi kamachirqan.+
6 Qhepa wiñaykunamanmi willananku karqan,
manaraq naceqkunamanmi yachachinanku karqan.+
Paykunapas wawankumanmi willananku karqan.+
7 Chhaynapi wawankupas Diospi confianankupaq;
Diospa imachus ruwasqankunata mana qonqanankupaq,+
Diospa kamachisqankunata kasukunankupaq.+
8 Ama ñaupa taytanku jinachu kanankupaq,
paykunaqa mana kasukuq k’ullukunan karqanku,+
sonqonkupas jujman-jujmanmi cambiaq,+
manan Diostapas junt’aq sonqowanchu serviqku.
9 Efraín runakunaqa flechakunawan arcokunawan armasqan kasharqanku,
chaywanpas maqanakuna p’unchaypin paykunaqa qhepaman kutirirqanku.
10 Paykunaqa manan Dioswan rimanakusqankuta junt’arqankuchu,+
manan kamachikuynintapas kasukuyta munarqankuchu.+
11 Qonqapurqankun Diospa imakunachus ruwasqanta,+
qonqapurqankun musphanapaq ruwaykunata rikuchisqantapas.+
12 Diosqa musphanapaq ruwaykunatan ñaupa taytankuq ñaupanpi ruwarqan,+
ancha jatun ruwaykunatan Egiptopipas Zoan ladopipas ruwarqan.+
13 Lamar-qochatan iskayman t’aqarqan chayninta chimpamunankupaq,
unukunatan perqata jina sayachirqan chaupinta pasamunankupaq.+
14 P’unchayqa phuyuwanmi paykunata pusamurqan,
tutataq nina k’anchaywan pusamurqan.+
15 Ch’in ladokunapin qaqakunata ch’eqtarqan,
jatun qochamanta jinan unuta lloqsichimurqan,
sajsanankukaman paykunaman unuta tomachirqan.+
16 Qaqamantan unuta lloqsichimurqan,
mayuta jinaraqmi unuta phawachimurqan.+
17 Paykunan ichaqa juchallapi purirqanku,
ch’in ladopin ancha jatun Dios contra jatarirqanku.+
18 Munasqanku mijunatan imata jinaraq mañakurqanku,
chayta ruwaspan sonqonkupi Diosta pruebaman churarqanku.+
19 Dios contran mana allinta rimarqanku.
“¿Dios qowasunmanchu mijunata ch’inneqpi?”+ nispan nirqanku.
Chaywanpas nillarqankutaqmi: “¿T’antata qowasunmanchu?
¿Llaqtanman aychata qoyta atinmanchu?”,+ nispa.
21 Chayta uyarispan Jehová Diosqa sinchita phiñakurqan,+
jinan payqa Jacob contra ninata+ kachaykamurqan,
Israel contran phiñakuynin raurarirqan.+
22 Paykunaqa manan Diospi iñirqankuchu,+
manan paypa librananpipas confiarqankuchu.
23 Jinan payqa cielopi phuyukunata kamachirqan,
janaq pacha punkukunatan kicharirqan.
24 Maná nisqa mijunatan parachimurqan,
sapa kutinmi chayta chayachimurqan;
janaq pacha mijunatan paykunaman qomurqan.+
26 Cielopin inti lloqsimuy lado wayrata jatarichirqan,
atiyninwanmi uray lado wayrata phukuchimurqan.+
27 Polvota jinaraqmi paykunaman aychata parachimurqan,
lamar-qochapi aqota jinaraqmi phalaq animalkunata chayachimurqan.
28 Karpa-karpa chaupimanmi chayachimurqan,
karpankuq qayllanmanmi urmaykachimurqan.
29 Chaytan paykunaqa amikunankukama mijurqanku;
sonqonkuq munasqantan paykunaman qomurqan.+
30 Ichaqa, manaraq sinchita munapayasqankuwan sajsashaqtinkun,
simillankupiraq mijuna kashaqtinmi,
31 Diospa phiñakuyninqa paykunaman chayamurqan.+
Chaypin payqa kallpasapa runakunata wañuchirqan,+
Israelpi wayna runakunatan urmachirqan.
32 Chhaynapiña tarikuspapas astawanraqmi paykunaqa juchallikurqanku,+
manan paypa musphanapaq ruwasqankunapipas iñirqankuchu.+
33 Jinan paykunaq kausayninkutaqa samayta jinalla chinkachirqan,+
manchay ñak’ariywanmi paykunataqa qonqaylla wañuchirqan.
34 Sapa wañuchiqtinmi ichaqa paypa yanapayninta maskhaqku,+
Diosmanmi kutimuqku, paytan maskhaqku.
35 Diosqa pakakunanku qaqa kasqanta yuyarispan jamuqku,+
ancha jatun Diosqa libraqninku kasqanta yuyarispan kutimuqku.+
36 Ichaqa yanqan siminkuqa rimaq,
qallunkupas llullakuspallan rimaq.
Sapa kutillanmi k’araq phiñakuyninta aguantakuq,+
manan phiñakuynintaqa llapantachu chayachimuq.
39 Runalla, aychalla kasqankutan yuyariq,+
pasaspa mana kutimuq wayra jinalla kasqankutan yuyariq.
40 ¡Paykunaqa nishutapunin ch’in ladopi Dios contra jatarirqanku!+
¡Sapa kutillanmi ch’in pampakunapi sonqonta k’irirqanku!+
41 Yapa-yapamantan Diosta pruebaman churarqanku,+
yapa-yapamantan Israelpa ch’uya Diosninta llakichirqanku.*
42 Manan yuyarirqankuchu makinpa atiyninwan imachus ruwasqanta,
manan yuyarirqankuchu enemigonkuq makinmanta kacharichisqan p’unchaytapas,+
43 manan yuyarirqankuchu Egiptopi imakunachus ruwasqanta,+
ni Zoan ladopi milagrokuna ruwasqantapas.
44 Chaypin payqa Nilo mayuq yarqhankunata* yawarman tukuchirqan,+
chhaynapi mana pipas chaykunamanta unuta tomananpaq.
45 Tankayllukunatan* phuyuta jinaraq kachamurqan Egipto runakunata k’utunanpaq,+
kachamullarqantaqmi k’ayrakunatapas chaykunawan ñak’arichinanpaq.+
47 Uvas sach’ankutan chijchiwan ñut’urqan,+
sicómoro mallkinkutan sinchi chijchiwan saqtarqan.
48 Carga apaq animalninkutan chijchiwan wañuchirqan,+
llapa uywankutan rayowan jap’ichirqan.
49 Paykunamanmi k’araq phiñakuyninta chayachimurqan,
phiñakuyninta, sonqo nanayninta, renegayninta iman chayachimurqan,
askha angelkunan sinchi ñak’ariyta paykunaman apamurqan.
50 K’araq phiñakuyninta chayachimunanpaqmi juj ñanta kicharqan.
Manan paykunataqa wañuymanta librarqanchu,
aswanmi millay onqoyman entregarqan.
51 Tukunanpaqtaq Egiptopi llapa phiwi* kaqkunata wañuchirqan,+
Cam runakunaq karpankunapi ñaupaq naceqkunatan wañuchipurqan.
52 Chaymantataq ovejakunata jina llaqtanta orqomurqan,+
tropantin ovejakunata jinan ch’in ladonta pusamurqan.
53 Allin waqaychasqatan allin cuidasqatan pusamurqan,
paykunaqa mana imata manchakuspan thaj jamurqanku.+
Enemigon runakunataqa lamar-qochan millp’upurqan.+
54 Allin ch’uya jallp’amanmi paykunata pusamurqan,+
paña makinwan atipasqan orqo-orqo ladomanmi pusamurqan.+
55 Ñaupankupi kaq nacionkunatan qarqorqan,+
jallp’atataq medinapaq waskhawan medispa rakirqan,+
maypichus tiyanankupin Israel ayllukunata churarqan.+
56 Chaywanpas kaqllan paykunaqa Diosta pruebaman churaqku,
sapa kutillanmi ancha jatun Dios contra sayariqku;+
manan yuyarichiyninkunatapas kasukuqkuchu.+
57 Ñaupa taytanku jinan mana allin ñanman jaykupurqanku,
ñaupa taytanku jinan traicionero karqanku;+
mana allin mat’isqa flechana arco jinan karqanku.+
59 Diosqa rikurqanmi chayta, chaywanmi sinchita phiñakurqan,+
jinan Israel llaqtataqa manaña munapurqanchu.
60 Chaymantataq Silopi kaq ch’uya karpata saqepurqan,+
runakuna chaupipi tiyasqan karpamantan karunchakapurqan.+
61 Atiyninta rikuchiq rijch’aymi preso apasqa kapurqan,
jatun kasqanta rikuchiq rimanakuynin arcatan* enemigonkuna apakapurqanku.+
62 Espadamanmi llaqtanta entregaykurqan,+
herencianpaqmi mayta phiñakurqan.
63 Ninan wayna runakunata ruphapurqan,
manañan sipaskunapaqpas casarakuy takikunata takipurqankuchu.
65 Jehová Diosqa puñusqanmanta rijch’ariq runa jinan rijch’arimurqan,+
vino ujasqanmanta yuyayninman kutiq kallpasapa runa jinan jatarimurqan.+
66 Enemigonkunatan qhepaman kutichirqan;+
wiñaypaqmi paykunata pisicharqan, p’enqasqatan saqerqan.
67 Josepa mirayninkunataqa manan munarqanchu,
Efraín ayllutapas manan ajllakurqanchu,
68 aswanpas Judá ayllutan ajllakurqan,+
munakusqan Sion orqotan ajllakurqan.+
69 Ch’uya wasintan cielota jina wiñaypaq sayachirqan,+
jallp’a pachata jinan mana thunikuqta tajyachirqan.+
71 Uñayoq ovejakunata michisqanmantan pusamurqan,
Jacobta michinanpaqmi, llaqtanta michinanpaqmi churarqan.+
Herencia jap’ikusqan Israelta qhawananpaqmi churarqan.+