2 Pedro
1 Jesucristoq kamachin apostolnin* noqa Simón Pedron qelqamushaykichis qankuna noqayku jina ancha allin iñiyta chaskiqkunaman. Chaytaqa chaskirqanchis Diosninchispas salvawaqninchis Jesucristopas chanin kasqankuraykun.
2 Diosmanta Señorninchis Jesusmantawan allinta yachasqaykichisrayku+ qankunaman yapasqa kachun Diospa ancha sumaq sonqo kaynin thaj kayninpas. 3 Diosmi atiyninwan tukuy ima necesitasqanchista qowanchis pay sonqo kausananchispaq, chaytaqa qowanchis paymanta allinta yachasqanchisraykun. Paymi noqanchistaqa wajamuwarqanchis+ lliflli kayninwan may chanin kayninwan ima. 4 Chaykunaraykun payqa ancha valorniyoq jatun promesakunatapas ruwawarqanchis,+ chhaynapi Dios jina kausayniyoq kananchispaq;+ chaymantapas, chaykunataqa qowarqanchis kay ismusqa pachamanta lloqsimusqanchisraykun; kay pachaqa mana allin munapayaykunawanmi ismusqa kashan.
5 Chayrayku qankunaqa tukuy atisqaykichista kallpachakuspa+ iñiyniykichisman yapaychis chanin kausayta,+ chanin kausaymantaq yachayta,+ 6 yachaymantaq cuerpo kamachiq kayta, cuerpo kamachiq kaymantaq+ aguantaq kayta, aguantaq kaymantaq Dios sonqo kayta,+ 7 Dios sonqo kaymantaq wayqe-panantin jina munanakuyta, wayqe-panantin jina munanakuymantaq munakuq kayta.+ 8 Chaykunachus qankunapi kanqa, chaykunawan junt’aykusqataqchus kankichispas chayqa, manan chiriyapunkichischu, manataqmi mana ruruq sach’a jinachu kankichis,+ aswanpas Señorninchis Jesucristomanta allinta yachasqaykichisman jinan imatapas ruwankichis.
9 Pipas chaykunata mana rikuchishanmanchu chayqa, ñausan kashanman; manachá k’anchaytapas rikuyta munashanmanchu,+ qonqapushanmanchá juchankunata Diospa limpiasqantapas.+ 10 Chayrayku, wayqeykuna,* tukuy atisqaykichista ruwaychis Diospa wajasqankuna ajllasqankuna ukhullapi kashanaykichispaq,+ chaykunatachus ruwashallankichis chayqa, manan jayk’aqpas urmankichischu.+ 11 Chaymantapas, chaykunata ruwankichis chayqa, qankunapaqqa kicharayasqan kanqa salvawaqninchis Señor Jesucristoq+ wiñay-wiñaypaq gobiernonman jaykunaqa.+
12 Chayraykun noqaqa listollapuni kashasaq chaykunata qankunaman yuyarichinaypaq, chaykunamanta allintaña yachankichis chaypas, yachasqaykichis cheqaq yachachikuypipas allin tajyasqaña kashankichis chaypas. 13 Qhawarisqayman jinaqa, noqaqa allintan ruwashani kay karpapi* kashanaykama+ qankunaman chaykunata yuyarichispayqa.+ 14 Noqaqa yachanin kay karpataqa pisillamanta qechuwanankuta, chaytaqa Señorninchis Jesucristopas sut’itan willawarqan.+ 15 Noqaqa tukuy atisqaytan ruwasaq chaykunata yuyarichinaypaq, chhaynapi ripuqtiyqa qankunallamanta llapa chaykunata yuyarinaykichispaq.
16 Señorninchis Jesucristoq chayamunan tiempomanta* atiyninmantapas qankunaman yachachishaspaykuqa, manan yachaysapa runakunaq paqarichisqan yanqa cuentokunaman jinachu noqaykuqa yachachirqaykiku, aswanpas lliflli kayninta ñawiykuwanpuni rikusqaykuman jinan noqaykuqa rimarqayku.+ 17 Paymi Taytanchis Diosmanta jatunchayta lliflli kaytawan chaskirqan. Chaytan chaskirqan lliflli kayta qoq “kaymi munakusqay Churiyqa, payqa sonqoypaq jinan”+ nispa nimuqtin. 18 Noqayku kikiykun chaytaqa paywan kuska ch’uya orqopi kashaspayku uyariyku cielomanta rimamuqta.
19 Chayraykun manapuni iskayanchischu profetizasqa simiq nisqanmantaqa. Chaymi qankunaqa laqhayaq* ukhupi, sonqoykichis ukhupi k’anchaq mecherota* jina chaytaqa qhawanaykichis,+ p’unchay illarimunankama, pacha paqariy ch’askapas+ lloqsimunankama. 20 Yachasqaykichis jina, Diospa simin qelqapi profeciakunaqa manan mayqenpas runaq piensayninman jinachu karqan. 21 Manan jayk’aqpas runaq munayninpichu profeciakunaqa karqan,+ aswanmi profecía willaqkunaqa santo espirituq kallpachasqan* kaspa Diosmanta rimarqanku.+