Jonás

2 Jinan Jonasqa jatun challwaq wijsanpi kashaspa Jehová Diosmanta mañakurqan,+ 2 paymi nirqan:

“Llakikuyniypin Jehová Diosta wajakurqani, paytaq uyariwarqan.+

Sepultura* ukhumantan yanapayta mañakurqani.+

Qantaq Diosníy uyariwarqanki.

Qaparishaq unuykin ukhuman aysaykuwarqan.+

 4 Jinan nirqani: Kunanqa ñaupaykimantan wijch’usqa kani.

Manañachá rikusaqchu ch’uya temploykitaqa, nispa.

 5 Unun millp’uykuwarqan, wañuy patapiñan tarikusharqani.+

Unu ukhumanmi chinkaykurqani.

Lamar-qocha ukhupi yuyukunan* umayta k’uyuykuwarqan.

 6 Aswan ukhumanñan chinkaykusharqani.

Ñan sepulturaq punkunpas* wisq’akusharqanña.

Ichaqa qanmi Jehová Diosníy kausayman kutichimuwarqanki.+

 7 Wañuy patapiña kashaspayqa Jehová Diosllatan yuyarirqani.+

Jinan mañakusqayqa qanman chayamurqasunki Diosníy, ch’uya temploykimanmi chayarqan.+

 8 Mana valeq idolokunata adoraqkunaqa qonqapunkun mana tukukuq munakuyniyoq* Diosninkuta.

 9 Noqan ichaqa graciasta qosayki, sacrificiotapas jaywasayki.

Promesa ruwasqaykunatapas junt’asaqmi.+

Jehová Diosníy, qanllan kanki salvaqqa”,+ nispa.

10 Chaymantataq Jehová Diosqa chay jatun challwata kamachirqan Jonasta aqtunanpaq, jinan ch’aki jallp’aman aqturparirqan.