Salmos
Takiqkunata pusariqpaq. Taki.
66 Llapa kay pacha Diosta jatunchachun, kusisqa qaparichun.+
2 Jatun sutinman jatunchay takikunata takiychis.*
Payta jatunchaychis, payta alabaychis.+
3 Diosta niychis: “¡Musphanapaqmi ruwasqaykikunaqa!+
Ancha atiyniyoqmi kanki, kallpasapan kanki,
4 Llapa kay pachan qanman k’umuykamunqa,+
llapankun jatunchay takikunata takisunkiku,
sutiykimanmi jatunchay takikunata takinqaku”,+ nispa. (Séla).
5 Jamuychis, Diospa imakunachus ruwasqanta rikuychis,
runakunaq churinkunarayku imakunachus ruwasqanqa admirakunapaqmi.+
Chaykunaqa may kusikunapaqmi karqan.+
7 Payqa atiyninwanmi wiñaypaq kamachikunqa.+
Mana kasukuqkunaqa ama jatunchakuchunkuchu.+
Ñawinqa llapa nacionkunatan qhawashan.+ (Séla).
8 Llaqtakuna, Diosninchista jatunchaychis,+
payta jatunchasqaykichis uyarikuchun.
10 Diosniyku, qanmi noqaykutaqa allinta t’aqwiwankiku,+
imaynan qolqeta ch’uyayachikun chhaynatan noqaykutapas ch’uyanchawankiku.
11 Jap’ina llikawanmi jap’iwarqankiku,
nishu llasaq q’epitan q’epiykachiwarqankiku.
12 Wañuq runakuna saruwanankutan jinata qhawarqanki;
nina chaupintan, unu chaupintan purimurqayku,
chaymantataq munay thaj parteman chayachimuwarqankiku.
13 Ruphachina ofrendakuna apaykusqan wasiykiman jaykusaq,+
qanman llapa promesa ruwasqaykunatan junt’asaq.+
14 Simiypa imachus rimasqantan junt’asaq,+
llakisqa kashaspa promesa ruwasqaytan junt’asaq.
15 Allin wirayachisqa uywakunatan ruphachina ofrendapaq apamusaq,
orqo oveja sacrificiokunatan jaywamusayki,
torokunatan, orqo cabrakunatan jaywamusayki. (Séla).
16 Diosta llapa manchakuqkuna, jamuychis, uyariychis,
imatachus noqarayku Dios ruwarqan chaytan willasaykichis.+
17 Simiywanmi payta wajakurqani,
qalluywantaq jatuncharqani.
18 Ima mana allintapas sonqoypi waqaychayman karqan chayqa,
manan Jehová Diosqa uyarimuwanmanchu karqan.+
20 Jatunchasqa kachun Diosqa,
payqa mañakusqaytan uyarimuwarqan,
manapunin mana tukukuq munakuynintapas negawarqanchu.